ସମାଜ ଡିଜିଟାଲ ଡେସ୍କ: ବରିଷ୍ଠ କନ୍ନଡ଼ ଅଭିନେତା ଜନାର୍ଦ୍ଦନଙ୍କ ପରଲୋକ ଘଟିଛି। ରବିବାର ରାତିରେ ବେଙ୍ଗାଲୁରୁର ଏକ ଘରୋଇ ଡାକ୍ତରଖାନାରେ ୭୬ ବର୍ଷ ବୟସରେ ସେ ଶେଷ ନିଃଶ୍ୱାସ ତ୍ୟାଗ କରିଛନ୍ତି। ଅଭିନେତା ‘ବ୍ୟାଙ୍କ ଜନାର୍ଦ୍ଦନ’ ନାଁରେ ମଧ୍ୟ ପରିଚିତ। ସୂଚନା ଅନୁସାରେ, ଦୀର୍ଘ ଦିନ ଧରି ସେ ରୋଗାଗ୍ରସ୍ତ ଥିଲେ। କିଛି ଦିନ ତଳେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଅଭିନେତାଙ୍କ ବିୟୋଗ ଖବର ଶୁଣିବା ପରେ ଇଣ୍ଡଷ୍ଟ୍ରୀରେ ଶୋକର ଛାୟା ଖେଳିଯାଇଛି। ତାଙ୍କ ପ୍ରଶଂସକ ଓ ଅନେକ କଳାକାର ତଥା ବିଶିଷ୍ଟ ବ୍ୟକ୍ତିତ୍ଵ ତାଙ୍କ ବିୟୋଗରେ ଶୋକ ପ୍ରକାଶ କରିଛନ୍ତି।
ଅଭିନେତା ତାଙ୍କ ଚାରି ଦଶନ୍ଧିରୁ ଅଧିକ ସମୟର କ୍ୟାରିଅରରେ ୫୦୦ରୁ ଅଧିକ ଚଳଚ୍ଚିତ୍ର ଏବଂ ଶୋ’ରେ ଅଭିନୟ କରିଛନ୍ତି। ସେ ବିଶେଷ କରି ଜଣେ ହାସ୍ୟାଭିନେତା ଭାବେ ଜଣାଶୁଣା ଥିଲେ।
