ସମାଜ ପୋର୍ଟାଲ ଡେସ୍କ: ବଙ୍ଗୋପସାଗରର ଦକ୍ଷିଣ ପୂର୍ବ ଓ ଦକ୍ଷିଣ ପଶ୍ଚିମରେ ସୃଷ୍ଟ ଭୟଙ୍କର ସାମୁଦ୍ରିକ ଝଡ଼ ‘ଫନି’ ଗତ ୬ ଘଣ୍ଟା ମଧ୍ୟରେ ଘଣ୍ଟା ପ୍ରତି ୨୨ କିଲୋମିଟର ବେଗରେ ଉତ୍ତର ପଶ୍ଚିମ ଦିଗରେ ଗତି କରୁଛି। ଏହା ବିଶାଖାପାଟଣାଠାରୁ ଦକ୍ଷିଣ ପୂର୍ବ ଦିଗରେ ୬୨୦ କିଲୋମିଟର, ପୁରୀଠାରୁ ଦକ୍ଷିଣରେ ୭୦୦ କିଲୋମିଟର ଏବଂ ଶ୍ରୀଲଙ୍କା ତ୍ରିକୋମାଲିଠାରୁ ଉତ୍ତର-ଉତ୍ତର ପୂର୍ବରେ ୬୬୦ କିଲୋମିଟର ଦୂରରେ ରହିଛି।
ଏହା ଆସନ୍ତା ୧୨ ଘଣ୍ଟା ମଧ୍ୟରେ ଅତ୍ୟଧିକ ଭୟଙ୍କର ସାମୁଦ୍ରିକ ବାତ୍ୟାରେ ରୂପାନ୍ତରିତ ହେବାର ସମ୍ଭାବନା ରହିଛି। ବୁଧବାର (ମେ ୧ ତାରିଖ) ସନ୍ଧ୍ୟା ସୁଦ୍ଧା ‘ଫନି’ ଉତ୍ତର ପଶ୍ଚିମ ଦିଗକୁ ଗତିକରି ପୁନର୍ବାର ଉତ୍ତର-ଉତ୍ତର ପୂର୍ବ ଦିଗକୁ ଗତି କରିବ ଓ ଶୁକ୍ରବାର (ମେ ୩ ତାରିଖ) ଅପରାହ୍ନରେ ପୁରୀର ଦକ୍ଷିଣରେ ଗୋପାଳପୁର ଏବଂ ଚାନ୍ଦବାଲି ମଧ୍ୟ ଦେଇ ଓଡିଶା ଉପକୂଳ ଅତିକ୍ରମ କରିବା ସମ୍ଭାବନା ରହିଛି। ଉପକୂଳ ଅତିକ୍ରମ କରିବା ସମୟରେ ଏହି ସାମୁଦ୍ରିକ ଝଡ଼ ଫନି ପ୍ରଭାବରେ ପବନ ବେଗ ଘଣ୍ଟା ପ୍ରତି ୧୭୫ରୁ ୧୮୫ କିଲୋମିଟର ରହିବ ଓ ସର୍ବାଧିକ ଘଣ୍ଟା ପ୍ରତି ୨୦୫ କିଲୋମିଟର ହେବାର ପାଣିପାଗ ବିଭାଗ ଆକଳନ କରିଛି।
Comments are closed.