ନୂଆଦିଲ୍ଲୀ : ବେଆଇନ ଅର୍ଥ କାରବାର ମାମଲାରେ ଦିଲ୍ଲୀର ଏକ ଅଦାଲତ ଗୁରୁବାର ହିମାଚଳ ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ବୀରଭଦ୍ର ସିଂହ, ତାଙ୍କ ପତ୍ନୀ ପ୍ରତିଭା ସିଂହ ଓ ଅନ୍ୟ ତିନିଜଣଙ୍କୁ ଜାମିନ ପ୍ରଦାନ କରିଛନ୍ତି। ପ୍ରତ୍ୟେକ ଅଭିଯୁକ୍ତ ୫୦,୦୦୦ ଟଙ୍କାର ବ୍ୟକ୍ତିଗତ ମୁଚାଲିକା ଓ ସମ ପରିମାଣର ସ୍ୟୁରିଟୀ ଦାଖଲ କରିବାପରେ ସେମାନଙ୍କୁ ଜାମିନ ମିଳିଥିଲା। ଶୁଣାଣି ସମୟରେ ପ୍ରବର୍ତ୍ତନ ନିର୍ଦେଶାଳୟ (ଇଡି)ଙ୍କ ଓକିଲ ଜାମିନ ଆବେଦନକୁ ବିରୋଧ କରିବା ସହ ଏମାନଙ୍କୁ ଜିମାରେ ନେବାକୁ ଦାବି ଉପସ୍ଥାପନ କରିଥିଲେ। ତେବେ ଇଡି ପକ୍ଷରୁ ଏମାନଙ୍କୁ ଗିରଫ କରାଯାଇନଥିବାରୁ ଜିମାରେ ନେବାର ପ୍ରଶ୍ନ ଉଠୁନାହିଁ ବୋଲି ବିଚାରପତି ସ୍ପଷ୍ଟ କରିଥିଲେ। ହିମାଚଳ ମୁଖ୍ୟମନ୍ତ୍ରୀ ଥିବାବେଳେ ବୀରଭଦ୍ର ନିଜ ଚାଷଜମିରୁ ଆଦାୟ ହୋଇଥିବା ୭ କୋଟି ଟଙ୍କାରେ ଜୀବନବୀମା ପଲିସି କିଣିବାରେ ବିନିଯୋଗ କରିଥିବା ଅଭିଯୋଗ ହୋଇଥିଲା।
Popular Categories
Previous article
Next article