ହରଭଙ୍ଗା : ହରଭଙ୍ଗା ବ୍ଲକ ପୁରୁଣାକଟକରେ ଆସନ୍ତା ନଭେମ୍ବର ମାସ ୨୬ ରୁ ୩୦ ତାରିଖ ପର୍ଯ୍ୟନ୍ତ ୫ ଦିନ ଧରି ଦ୍ୱିତୀୟ ମା ଭୈରବୀ ମହୋତ୍ସବ ଆୟୋଜିତ ହେବ ବୋଲି କମିଟି ସୂଚନା ଦେଇଛି। ସୋମବାର ସ୍ଥାନୀୟ ଲଷ୍ମୀ ନାରାୟଣ ମନ୍ଦିରରେ ଏକ ପ୍ରସ୍ତୁତି ବୈଠକ କମିଟିର ସଭାପତି ଅଶୋକ କୁମାର ଅଗ୍ରୱାଲଙ୍କ ଅଧକ୍ଷତାରେ ଅନୁଷ୍ଠିତ ହୋଇଥିଲା। କରୋନା ୨ ବର୍ଷ ପରେ ପୁଣିଥରେ ମହୋତ୍ସବକୁ ଅଧିକ ସଫଳ କରିବା ନେଇ ବୈଠକରେ ଆଲୋଚନା ହୋଇଥିଲା। ବ୍ଲକ ଉପାଧ୍ୟକ୍ଷ ସରୋଜ ପ୍ରଧାନ, ସରପଞ୍ଚ ସଙ୍ଘ ସଭାପତି ନିହାର ଘୋଷଙ୍କ ସମେତ ସମସ୍ତ ସରପଞ୍ଚ ଭୈରବୀ ମନ୍ଦିର ପରିଚାଳନା କମିଟି ସଭାପତି ସୁରେନ ପ୍ରଧାନ ଓ ୫୦ ଜଣ ସଦସ୍ୟ ଯୋଗ ଦେଇଥିଲେ । ମହୋତ୍ସବ କମିଟି ସମ୍ପାଦକ ତଥା ପୁରୁଣା କଟକ ସରପଞ୍ଚ ଅଶୋକ କୁମାର ସେଠୀ, ସହ ସମ୍ପାଦକ ବିଜୟ କୁମାର କହଁର, ଉପ ସଭାପତି ଅକ୍ରୁର ସେଠୀ, କୋଷାଧକ୍ଷ ବାଳକୃଷ୍ଣ ନାୟକ ଉପସ୍ଥିତ ଥିଲେ। ସଦସ୍ୟ ଦୀପ୍ତି ପ୍ରକାଶ ସାହୁ ଧନ୍ୟବାଦ ପ୍ରଦାନ କରିଥିଲେ।
Comments are closed.