ଭଦୋଦରା : ଗୁଜରାତର ଭଦୋଦରା ନିକଟରେ ଶନିବାର ସନ୍ଧ୍ୟାରେ ଘଟିଥିବା ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ୧୨ଜଣ ପ୍ରାଣ ହରାଇଛନ୍ତି ଓ ବହୁ ସଂଖ୍ୟକ ଲୋକ ଆହତ ହୋଇଛନ୍ତି। ଭଦୋଦରା ନିକଟ ପାଡରାଠାରେ ଲୋକ ନେଇ ଯାଉଥିବା ଏକ ଟ୍ରକ୍ ଗୋଟିଏ ଡମ୍ପର ସହିତ ଧକ୍କା ହେବା ଫଳରେ ଘଟଣାସ୍ଥଳରେ ଟ୍ରକ୍ରେ ଥିବା ଲୋକଙ୍କ ମଧ୍ୟରୁ ୭ଜଣଙ୍କ ମୃତ୍ୟୁ ହୋଇଥିଲା। ପରେ ଡାକ୍ତରଖାନାରେ ଅନ୍ୟ ୫ ଜଣ ପ୍ରାଣ ହରାଇଥିଲେ। ମୃତକମାନେ ନିକଟସ୍ଥ ଭୋଜ୍ ଓ ରାନୁ ଗ୍ରାମର ବୋଲି ପୁଲିସ କହିଛି। ସେମାନେ ସାବଲି ନିକଟସ୍ଥ ଗୋଠାଡାଠାରେ ଅନୁଷ୍ଠିତ ଏକ ବିବାହ ଉତ୍ସବରୁ ଘରକୁ ଫେରୁଥିଲେ। ବାଲି ବୋଝେଇ ଡମ୍ପର ଅତି ଦ୍ରୁତ ଗତିରେ ଚାଲୁଥିଲା ବୋଲି ଅଭିଯୋଗ ହୋଇଛି।
Popular Categories
Previous article
Next article