ଲଖନଉ : କୁବୀ ଗାଁରେ କ୍ଷେତରୁ ଫେରୁଥିବା ଏକ ଆଠ ବର୍ଷ ଶିଶୁ ପୁତ୍ରର କୁକୁର କାମୁଡାରେ ମୃତ୍ୟୁ ହୋଇଥିବା ଜଣାପଡିଛି। ସେ ୩ୟ ଶ୍ରେଣୀରେ ପାଠ ପଢୁଥିଲେ ବୋଲି ଜଣାପଡିଛି। ତାଙ୍କ ନାମ ଶିବ ବୋଲି ଜଣାପଡିଥିବା ବେଳେ ୨ ଭଉଣୀରେ ସେ ଏକ ମାତ୍ର ଭାଇ ଥିଲେ। ଶିବଙ୍କ ବାପା ସଚିନ୍ ଜଣେ କୃଷକ। ରବିବାର ସନ୍ଧ୍ୟାରେ ସଚିନଙ୍କ ପତ୍ନୀ ସୀମା ଗୃହପାଳିତ ପଶୁଙ୍କ ପାଇଁ ଖାଦ୍ୟ ଆଣିବାକୁ କ୍ଷେତକୁ ଯାଇଥିଲେ।
ସେହି ସମୟରେ ତାଙ୍କ ଆଠ ବର୍ଷର ଶିଶୁ ତାଙ୍କ ସହ କ୍ଷେତ୍ରରେ ହିଁ ଥିଲେ। ସୀମା ଚାରା କାଟିବା ସମୟରେ ବ୍ୟସ୍ତରେ ଥିବା ବେଳେ ଏହି ସମୟ ମଧ୍ୟରେ ଶିବ ଏକାକୀ ଘରକୁ ପଳାଉଥିବା ସମୟରେ କୁକୁର ଦଳ ତାଙ୍କ ଉପରେ ଆକ୍ରମଣ କରି ଝୁଣି ଝୁଣି ମାରି ଦେଇଥିଲେ। ତାଙ୍କ ମୁହଁ, ମୁଣ୍ଡ ଓ ଗୋଡରେ ଗଭୀର ଆଘାତ ଲାଗିଥିଲା। ଫଳରେ ଘଟଣାସ୍ଥଳରେ ହିଁ ଆଠ ବର୍ଷ ଶିଶୁର ମୃତ୍ୟୁ ହୋଇଥିଲା। ମାଆ ଘରକୁ ଆସି ପୁଅକୁ ନପାଇବାରୁ ଅନେକ ଖୋଜାଖୋଜି କରିବା ପରେ ଅନ୍ୟ ଏକ ଚାଷ ଜମିରୁ ପୁଅର ମୃତଦେହ ମିଳିଥିଲା।
- Advertisement -
