ଡୋରାଡୁନ୍ : ପୁଣି ବାଘ ମଣିଷକୁ ଶିକାର କରିବାର ଏକ ଘଟଣା ସାମ୍ନାକୁ ଆସିଛି । ଉତ୍ତରାଖଣ୍ଡର ଦେବପ୍ରୟୋଗରେ ଗୁରୁବାର ବିଳମ୍ବିତ ରାତିରେ ଜଣେ ୧୭ ବର୍ଷୀୟ ନାବାଳକକୁ କଲରାପତରିଆ ବାଘ ଶିକାର କରିଛି । ଅନେକ ଘଣ୍ଟା ବିତିବା ପରେ ବହୁ ଖୋଜିଖୋଜି କରିବା ପରେ ନାବାଳକଙ୍କ କ୍ଷତବିକ୍ଷତ ମୃତଦେହ ଘଟଣାସ୍ଥଳରୁ ବହୁ ଦୂରରୁ ରାତିରେ ସ୍ଥାନୀୟ ଲୋକେ ଓ ବନ ବିଭାଗ ଦ୍ୱାରା ଉଦ୍ଧାର କରାଯାଇଛି । ବାଘକୁ ତୁରନ୍ତ ଧରିବାକୁ ନିର୍ଦ୍ଦେଶ ଦିଆଯାଇଥିଲା । ନାବାଳକର ମୃତଦେହ ମିଳିବା ପରେ ଉକ୍ତ ଅଞ୍ଚଳରେ ଭୟର ବାତାବରଣ ଖେଳି ଯାଇଛି । ଶୁକ୍ରବାର ଭୋର ପ୍ରାୟ ସାଢେ ୫ଟା ସମୟରେ ବାଘକୁ ଧରିବାରେ ବନ ବିଭାଗ ସଫଳ ହୋଇଥିଲା ।
ଦେଖନ୍ତୁ ଭିଡିଓ; ବଟର ମିଲ୍କରେ ପୋକ ସାଲୁବାଲୁ, କମ୍ପାନୀ ମାଗିଲା କ୍ଷମା…
ଦେବପ୍ରୟୋଗ ତହସିଲରେ ଷ୍ଟାମ୍ପ ବିକ୍ରେତା ବଳବନ୍ତ ସିଂହ ଚୌହାନଙ୍କ ସାନ ପୁଅ ଅନୁରାଗ ଦେବପ୍ରୟାଗ ଡିଗ୍ରୀ କଲେଜରୁ କ୍ରିକେଟ ଖେଳିବାକୁ ଯାଇଥିଲେ । ପ୍ରାୟ ୭ଟା ବେଳେ କ୍ରିକେଟ ଖେଳି ଫେରୁଥିବା ବେଳେ ହଠାତ୍ ବାଘ ତାଙ୍କ ଉପରେ ଆକ୍ରମଣ କରିଥିଲା । ପ୍ରତ୍ୟେକ୍ଷଦର୍ଶୀ ମାନେ ଜୋରରେ ଚିତ୍କାର କରିବା ପରେ ମଧ୍ୟ ବାଘ ଛାଡି ନଥିଲା । ସୂଚନା ପାଇବା ପରେ ପୁଲିସ ଓ ବନ ବିଭାଗ କର୍ମଚାରୀଙ୍କ ସହ ସ୍ଥାନୀୟ ଲୋକେ ଅନେକ ସମୟ ପର୍ଯ୍ୟନ୍ତ ଖୋଜାଖୋଜି କରିବା ପରେ ମଧ୍ୟ ପତ୍ତା ମିଳିନଥିଲା । ପରେ ତାଙ୍କର କ୍ଷତବିକ୍ଷତ ମୃତଦେହ ଉଦ୍ଧାର ହୋଇଥିଲା ।
Comments are closed.