ନୂଆଦିଲ୍ଲୀ: ଉତ୍ତରପ୍ରଦେଶର ଗ୍ରେଟର ନୋଏଡା ଅଞ୍ଚଳରେ ଚାଞ୍ଚଲ୍ୟ । ନୋଏଡାର ଇକୋଟେକ୍-୩ ପୁଲିସ ଷ୍ଟେସନ ଅଞ୍ଚଳରେ ହୃଦୟ ବିଦାରକ ଘଟଣା ସାମ୍ନାକୁ ଆସିଛି । ଯେଉଁଠାରେ ବନ୍ଦ କୋଠରୀରୁ ଗୋଟିଏ ପରିବାରର ୪ଜଣ ସଦସ୍ୟଙ୍କ ମୃତଦେହ ମିଳିଛି । ମୃତଦେହ ଠାବ ହୋଇଥିବା ଅଂଚଳରେ ଉତ୍ତେଜନ ପରିସ୍ଥିତି ଲାଗି ରହିଛି । ମୃତକଙ୍କ ମଧ୍ୟରେ ଦୁଇ ଜଣ ପୁରୁଷ ଏବଂ ଦୁଇ ଜଣ ମହିଳା ଥିବା ଜଣାପଡିଛି । ଘଟଣା ସମ୍ପର୍କରେ ପୁଲିସ ସୂଚନା ପାଇବା ପରେ ଘଟଣାସ୍ଥଳରେ ପହଂଚି ମୃତଦେହ ଜବତ କରିବା ସହ ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଆରମ୍ଭ କରିଛି । ମୃତକ ମାନେ ହେଲେ ପପୁ ସିଂ, ପୁଅ ରାଜେଶ ସିଂ, ଝିଅ ବବଲି ଏବଂ ପତ୍ନୀ ନିଶା ।
ସୂଚନା ଅନୁସାରେ ଶୁକ୍ରବାର ଦିନ ଗ୍ରେଟର ନୋଏଡା ଇକୋଟେକ୍-୩ ପୁଲିସ ଷ୍ଟେସନ ଅଂଚଳରେ ତୁସିଆନା ଗ୍ରାମରେ ଥିବା ଏକ ବନ୍ଦ କୋଠରୀରୁ ଗ୍ୟାସର ଗନ୍ଧ ଆସିବା ପରେ ପଡୋଶୀମାନେ ଘର ମାଲିକଙ୍କୁ ଖବର ଦେଇଥିଲେ । ପୁଲିସ ଖବର ପାଇ ପହଂଚିବା ପରେ ଘର ଖୋଲାଯାଇଥିଲା । ସେଠାରେ ୪ଟି ମୃତଦେହ ପଡିଥିବା ଦେଖିବାକୁ ମିଳିଥିଲା । ପ୍ରାଥମିକ ତଦନ୍ତରୁ ପୁଲିସ କହିଛି ଯେ କୋଠରୀ ଭିତରେ ଶ୍ୱାସରୁଦ୍ଧ ହୋଇ ୪ଜଣଙ୍କ ମୃତ୍ୟୁ ହୋଇଥିବା ସନ୍ଦେହ କରାଯାଉଛି । ଘର ଭିତର କବାଟ ବନ୍ଦ ଥିବା କହିଛି ପୁଲିସ ।
Comments are closed.