ନ୍ୟୁୟର୍କ: ଏଠାରେ ଚାଲିଥିବା ୟୁଏସ୍ ଓପନ ଗ୍ରାଣ୍ଡସ୍ଲାମ ଟେନିସ ପ୍ରତିଯୋଗିତାର ମହିଳା ଏକକ ଫାଇନାଲରେ ଆମାଣ୍ଡା ଆନିସିମୋଭା ଓ ଆରିନା ସାବାଲେଙ୍କା ପ୍ରବେଶ କରିଛନ୍ତି। ଶୁକ୍ରବାର ମହିଳା ଏକକ ପ୍ରଥମ ସେମିଫାଇନାଲରେ ଆମେରିକାର ୮ମ ସିଡ୍ ଆମାଣ୍ଡା ଆନିସିମୋଭା ୬-୭, ୭-୬ ଓ ୬-୩ରେ ଜାପାନର ୨୩ମ ସିଡ୍ ନାଓମି ଓସାକାଙ୍କୁ ପରାସ୍ତ କରି ଫାଇନାଲରେ ପହଞ୍ଚିଛନ୍ତି। ଚଳିତ ବର୍ଷ ଆନିସିମୋଭା ଦ୍ବିତୀୟ ଥର ପାଇଁ ଏକ ଗ୍ରାଣ୍ଡସ୍ଲାମ ଟେନିସର ଫାଇନାଲରେ ପହଞ୍ଚିଛନ୍ତି। ଚଳିତ ବର୍ଷ ୱିମ୍ବଲଡନ ଟେନିସର ମହିଳା ଏକକ ଫାଇନାଲରେ ପହଞ୍ଚିଥିଲେ ମଧ୍ୟ ରନର୍ସଅପ ହୋଇଥିଲେ। ଏବେ ପ୍ରଥମ ଗ୍ରାଣ୍ଡସ୍ଲାମ ଜିତିବା ନେଇ ଆନିସିମୋଭାଙ୍କ ନିକଟେର ସୁଯୋଗ ରହିଛି। ଦ୍ବିତୀୟ ସେମିଫାଇନାଲରେ ଟପ୍ ସିଡ୍ ବେଲାରୁଷର ଆରିନା ସାବାଲେଙ୍କା ୪-୬, ୬-୩ ଓ ୬-୪ରେ ୪ର୍ଥ ସିଡ୍ ଜେସିକା ପେଗୁଲାଙ୍କୁ ପରାସ୍ତ କରି ଫାଇନାଲରେ ପହଞ୍ଚିଛନ୍ତି। ସାବାଲେଙ୍କା ପ୍ରଥମ ସେଟ୍କୁ ୪-୬ରେ ପରାଜିତ ହେବା ପରେ ଦ୍ବିତୀୟ ସେଟ୍କୁ ୬-୩ ଓ ତୃତୀୟ ସେଟ୍କୁ ୬-୪ରେ ଜିତି ମ୍ୟାଚ ବିଜୟୀ ହୋଇଥିଲେ। ଶନିବାର ଆମାଣ୍ଡା ଆନିସିମୋଭା ଓ ଆରିନା ସାବାଲେଙ୍କାଙ୍କ ମଧ୍ୟରେ ଫାଇନାଲ ଖେଳାଯିବ।
ପୁରୁଷ ଯୁଗଳରେ ୟୁକି-ଭିନସ୍ ପରାସ୍ତ ୟୁଏସ୍ ଓପନ ପୁରୁଷ ଯୁଗଳରେ ଭାରତର ୟୁକି ଭାମ୍ବ୍ରି ଓ ନ୍ୟୁଜିଲାଣ୍ଡର ମାଇକେଲ ଭିନସ୍ ଯୋଡ଼ି ସେମିଫାଇନାଲରୁ ବିଦାୟ ନେଇଛନ୍ତି। ଶୁକ୍ରବାର ସେମିଫାଇ୍ନାଲରେ ୧୪ତମ ସିଡ୍ ୟୁକି-ଭିନସ୍ ଯୋଡ଼ି ୬ଷ୍ଠ ସିଡ୍ ବ୍ରିଟେନର ଜୋ ସାଲିସବରୀ -ନୀଲ ସ୍କୁପିସ୍କୁ ଯୋଡ଼ିଙ୍କ ନିକଟରୁ ୭-୬, ୬-୭ ଓ ୪-୬ରେ ପରାଜିତ ହୋଇଥିଲେ। ୟୁକି-ଭିନସ୍ ଯୋଡ଼ି ପ୍ରଥମ ସେଟ୍ରେ ଚମତ୍କାର ପ୍ରଦର୍ଶନ କରି ୭-୬ରେ ଜିତିଥିବାବେଳେ ଦ୍ବିତୀୟ ସେଟ୍ରେ ୬-୭ରେ ପରାଜିତ ହୋଇଥିଲେ। ତୃତୀୟ ସେଟ୍ରେ ବ୍ରିଟେନ ଯୋଡ଼ି ଭଲ ପ୍ରଦର୍ଶନ କରି ୬-୪ରେ ଜିତି ମ୍ୟାଚ ବିଜୟୀ ହୋଇଥିଲେ।
ଏଥି ସହିତ ପ୍ରଥମ ଥର ପାଇଁ ଗ୍ରାଣ୍ଡସ୍ଲାମ ଟେନିସର ସେମିଫାଇନାଲରେ ପହଞ୍ଚିଥିବା ୟୁକି ଭାମ୍ବ୍ରି ନିରାଶ ହୋଇଛନ୍ତି। ୩୩ ବର୍ଷୀୟ ଦିଲ୍ଲୀର ୟୁକି ଭାମ୍ବ୍ରି ଚତୁର୍ଥ ଭାରତୀୟ ଭାବେ ଗ୍ରାଣ୍ଡସ୍ଲାମ ଟେନିସ ପୁରୁଷ ଯୁଗଳ ବର୍ଗର ସେମିଫାଇନାଲରେ ପହଞ୍ଚିଥିଲେ। ପୂର୍ବରୁ ଲିଆଣ୍ଡର ପେସ, ମହେଶ ଭୂପତି ଓ ରୋହନ ବୋପନ୍ନା ଗ୍ରାଣ୍ଡସ୍ଲାମ ଟେନିସର ପୁରୁଷ ଯୁଗଳ ବର୍ଗ ସେମିଫାଇନାଲ ଖେଳିଥିଲେ।
ୟୁଏସ୍ ଓପନ: ଆନିସିମୋଭା-ସାବାଲେଙ୍କା ଫାଇନାଲ
Popular Categories
Previous article
Next article