ଡେସ୍କ: ଭାରତୀୟ ପ୍ରଶାସନିକ ସେବା ପରୀକ୍ଷା ୨୦୨୨ରେ ଅସ୍ଥାୟୀ ଭାବେ ସୁପାରିଶ ହୋଇଥିବା ପ୍ରାର୍ଥୀ ପୂଜା ମନୋରମା ଦିଲୀପ ଖେଡକରଙ୍କ ଘଟଣାରେ କେନ୍ଦ୍ରୀୟ ଲୋକସେବା ଆୟୋଗ (ୟୁପିଏସସି) ପଦକ୍ଷେପ ନେବା ଆରମ୍ଭ କରିଛି। ୟୁପିଏସସି ପକ୍ଷରୁ ମିଳିଥିବା ସୂଚନା ଅନୁଯାୟୀ, ପୂଜା ଖେଡ଼କର ଆବଶ୍ୟକତା ଠାରୁ ଅଧିକ ଥର ନିଜର ନାମ, ପିତାମାତାଙ୍କ ନାମ, ଫଟୋ, ଦସ୍ତଖତ, ଇମେଲ ଆଇଡି, ମୋବାଇଲ୍ ନମ୍ବର ଏବଂ ଠିକଣା ବଦଳାଇ ନିଜର ପରିଚୟ ଜାଲିଆତି କରିଛନ୍ତି।
ୟୁପିଏସସି ତାଙ୍କ ବିରୋଧରେ କ୍ରାଇମବ୍ରାଞ୍ଚ ସମେତ ପୋଲିସ୍ ଅଧିକାରୀଙ୍କ ନିକଟରେ ଏତଲା ଦାୟର କରିବା ସହ ଅସ୍ଥାୟୀ ଭାବେ ସୁପାରିଶ ହୋଇଥିବା ତାଙ୍କ ପ୍ରାର୍ଥୀତ୍ୱ ବାତିଲ କରିବା ପାଇଁ କାରଣ ଦର୍ଶାଅ ନୋଟିସ୍ ଜାରି କରିଛି। ଭାରତୀୟ ପ୍ରଶାସନିକ ସେବା ପରୀକ୍ଷା ୨୦୨୨ ନିୟମ ଅନୁଯାୟୀ ପୂଜାଙ୍କୁ ଅନ୍ୟାନ୍ୟ ପରୀକ୍ଷା ପାଇଁ ଅଯୋଗ୍ୟ ଘୋଷଣା କରିବା ନେଇ ମଧ୍ୟ ପ୍ରକ୍ରିୟା ଆରମ୍ଭ କରାଯାଇଛି।
Comments are closed.