ଅଶ୍ୱଥ ଗଛକୁ ଜଗିଛି ପୁଲିସ

ଲକ୍ଷ୍ନୌ: ଉତ୍ତରପ୍ରଦେଶର ବାରାଣସୀରେ ପୁଲିସକୁ ଭିନ୍ନ ଧରଣର ଦାୟିତ୍ୱ ପ୍ରଦାନ କରାଯାଇଛି। ଦୁଇ ସପ୍ତାହରୁ ଊଦ୍ଧ୍ୱର୍ କାଳ ଧରି ବାରାଣସୀର ଏକ ଅଶ୍ୱଥ ଗଛକୁ ପୁଲିସକୁ ଜଗି ରହିବାର ଦାୟିତ୍ୱ ଦିଆଯାଇଛି। ଏପରିକି ଏହି ଅଶ୍ୱଥ ଗଛ ପାଶ୍ୱର୍ରେ ଏକ ସିସି ଟିଭି ମଧ୍ୟ ଲଗା ଯାଇଛି।
ଗଛକୁ ସୁରକ୍ଷା ଦେବା ପଛର କାରଣ ଏହିପରି –
ବାରାଣସୀର ଅର୍ଦାଲୀ ବଜାର ନିକଟ ଇମାମ ଚୌକଠାରେ ଏକ ପୁରୁଣା ଅଶ୍ୱଥ ଗଛ ଥିଲା। ତେବେ ଗଛଟି ଭାଙ୍ଗି ଯିବାରୁ ଉକ୍ତ ସ୍ଥାନରେ ଆଉ ଏକ ଅଶ୍ୱଥ ଗଛ ଲଗାଇବାକୁ ଅଞ୍ଚଳବାସୀ ଆଗ୍ରହ ପ୍ରକାଶ କରିଥିବାବେଳେ ଆଉ କେତେଜଣ ଏଭଳି ଗଛ ପାଖରେ ଥିବା ପଡ଼ିଆରେ ଲଗାଇବା ଉପରେ ଯୁକ୍ତି ବାଢିଥିଲେ। ଘଟଣା ଶେଷରେ କୋର୍ଟରେ ଯାଇ ପହଞ୍ଚି ଥିଲା। ପୂର୍ବ ସ୍ଥାନ ଅର୍ଥାତ୍‍ ଇମାମ୍‍ ଚୌକଠାରେ ହିଁ ନୂଆ ଗଛ ଲଗାଇବାକୁ କୋର୍ଟ ନିର୍ଦେଶ ଦେଇଥିଲେ। କୋର୍ଟଙ୍କ ନିର୍ଦ୍ଦେଶ ଆଧାରରେ ନୂଆ ଗଛ ଲାଗିଲା। କିନ୍ତୁ ପରବର୍ତ୍ତୀ ସମୟରେ ଅସାମାଜିକ ବ୍ୟକ୍ତିମାନେ ସେହି ଗଛକୁ ଓପାଡ଼ି ଦେଇଥିଲେ। ଏଭଳି ଘଟଣା ଦୁଇ ତିନି ଥର ଘଟିବା ପରେ ସ୍ଥାନୀୟ ଲୋକେ କୋର୍ଟରେ ଗଛର ସୁରକ୍ଷା ପାଇଁ ଗୁହାରୀ କରିଥିଲେ। କୋର୍ଟ ନିର୍ଦେଶ ପରେ ଉକ୍ତ ଗଛ ନିକଟରେ ପୁଲିସ ମୁତୟନ କରାଯାଇଛି।