ଲଖନଉ : ଉତ୍ତର ପ୍ରଦେଶର ବିଜନୋରରେ ବୁଧବାର ମର୍ମନ୍ତୁଦ ସଡକ ଦୁର୍ଘଟଣାରେ ଗୋଟିଏ ପରିବାରର ୪ ଜଣଙ୍କ ମୃତ୍ୟୁ ଘଟିଛି। କାର୍ରେ ଥିବା ୪ ଜଣ ଯାତ୍ରୀଙ୍କ ମୃତ୍ୟୁ ଘଟିଥିବା ବେଳେ ଯାତ୍ରୀ ମାନେ ଅମରୋହାରୁ ଋଷିକେଶ ଯାଉଥିଲେ। କାର୍ଟି ଅନିୟନ୍ତ୍ରିତ ହୋଇ ବିଜନୋର ନିକଟରେ ଓଲଟି ପଡିଥିଲା। ମୃତକଙ୍କ ମଧ୍ୟରେ ଜଣେ ସୈନିକ ଅଛନ୍ତି ବୋଲି ପ୍ରାଥମିକ ତଦନ୍ତରୁ ଜଣାପଡିଛି।
ସୂଚନା ଯୋଗ୍ୟ, ଏହି ସଡକ ଦୁର୍ଘଟଣା ବୁଧବାର ସକାଳେ ଡେରାଡୁନ୍-ନୈନିତାଲ ଜାତୀୟ ରାଜପଥରେ ଗୁନିଆପୁର ଗାଁ ନିକଟରେ ଘଟିଛି। କାର୍ ଚାଳକଙ୍କୁ ନିଦ ଆସିବା କାରଣରୁ କାରଟି ଓଲଟି ପଡିଛି ବୋଲି ଜଣାପଡିଛି। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚିବା ସହ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇ ସାରିଛି। ଦୁର୍ଘଟଣା ଘଟିବା ମାତ୍ରେ ସ୍ଥାନୀୟ ଲୋକେ ପୁଲିସକୁ ଖବର ଦେଇଥିଲେ। ପୁଲିସ ଘଟଣାର ତଦନ୍ତ ଜାରି ରଖିଛି।
Comments are closed.