ବରେଲୀ : ଉତ୍ତରପ୍ରଦେଶ ବରେଲୀ ଫତେହଗଞ୍ଜ ପଶ୍ଚିମ ପୁଲିସ ଥାନା ଅଞ୍ଚଳରେ ଏକ ଚାଞ୍ଚଲ୍ୟକର ଘଟଣା ଘଟିଛି। ରାଜପଥ କଡରେ ଥିବା ଏକ ହୋଟେଲ ମାଲିକଙ୍କ ଗଳା କାଟି ହତ୍ୟା କରାଯାଇଛି। ସୂଚନା ପାଇବା ପରେ ପୁଲିସ ପହଞ୍ଚି ଘଟଣାର ତଦନ୍ତ କରୁଛି।
ସୂଚନା ଅନୁଯାୟୀ,ପରସାଖେଡା ଟିୟୁଲିୟା ରାଜପଥ କଡରେ ଉକ୍ତ ବ୍ୟକ୍ତି ଜଣଙ୍କ ନିଜ ହୋଟେଲ କରିଥିଲେ। ସେ ଟିୟୁଲିୟାର ବାସିନ୍ଦା ବୋଲି ଜଣାପଡିଛି।ବ୍ୟକ୍ତି ଜଣଙ୍କ ନିଜ ହୋଟେଲରେ ହିଁ ରାତିରେ ଶୋଇ ଥାଆନ୍ତି।ସୋମବାର ସକାଳେ ତାଙ୍କ ପୁଅ ହୋଟେଲରେ ପହଞ୍ଚିବା ପରେ ପିତାଙ୍କ ରକ୍ତ ଜୁଡୁବୁଡୁ ମୃତଦେହ ଦେଖିଥିଲା। ସେ ତୁରନ୍ତ ପୁଲିସକୁ ଖବର ଦେଇଥିଲା।ଖବର ପାଇ ପୁଲିସ ଫୋରେନସିକ୍ ଟିମ୍ ଘଟଣା ସ୍ଥଳରେ ପହଞ୍ଚି ଘଟଣାର ତଦନ୍ତ କରୁଛନ୍ତି। ଏହି ଘଟଣାରେ ଅଞ୍ଚଳର ଜଣେ ବ୍ୟକ୍ତିଙ୍କୁ ଅଟକ ରଖି ପଚରାଉଚରା କରାଯାଉଛି।
Comments are closed.