ନୂଆଦିଲ୍ଲୀ : ଉତ୍ତରପ୍ରଦେଶର ବନ୍ଦାୟୁରେ ସୋମବାର ସକାଳେ ମର୍ମନ୍ତୁଦ ସଡକ ଦୁର୍ଘଟଣା ଘଟିଥିବା ନେଇ ଖବର ମିଳିଛି। ଏକ ସ୍କୁଲ ବସ୍ ଓ ଭ୍ୟାନ ମଧ୍ୟରେ ଧକ୍କା ହୋଇ ୪ ଶିଶୁଙ୍କ ସମେତ ପାଞ୍ଚ ଜଣଙ୍କ ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ସ୍କୁଲ ବସ୍ ଚାଳକଙ୍କ ସହ ତାଙ୍କ ପୁଅ ମଧ୍ୟ ରହିଛନ୍ତି। ୨୦ ଜଣ ଶିଶୁ ମଧ୍ୟ ଆହତ ହୋଇଛନ୍ତି। ସେମାନଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି।
ଖବର ପାଇ ପୁଲିସ ଓ ଉଦ୍ଧାରକାରୀ ଦଳ ଘଟଣା ସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ସହ ଘଟଣାର ତଦନ୍ତ ଆରମ୍ଭ କରିଛି। ସକାଳ ପ୍ରାୟ ୮ଟାରେ ଏହି ଦୁର୍ଘଟଣା ଘଟିଛି। ଦୁର୍ଘଟଣା ପରେ ଜୋରରେ ଚିତ୍କାର ଶୁଣାଯିବା ସହ ଲୋକେ ଏକାଠି ହୋଇଥିଲେ। ରାସ୍ତାରେ ସ୍କୁଲ ପିଲାଙ୍କ ମୃତଦେହ ରକ୍ତାକ୍ତ ଅବସ୍ଥାରେ ପଡିଥିଲା। ୨ଟି ଯାନ ଦ୍ରୁତ ଗତିରେ ଥିବା ହେତୁ ଦୁର୍ଘଟଣା ଘଟିଛି ବୋଲି ପ୍ରାଥମିକ ତଦନ୍ତରୁ ଜଣାପଡିଛି।
Comments are closed.