ଲକ୍ଷ୍ନୌ: ଉତ୍ତରପ୍ରଦେଶର ପୂର୍ବ ସ୍ବାସ୍ଥ୍ୟ ମନ୍ତ୍ରୀ ତଥା ସମାଜବାଦୀ ଦଳର ନେତା ଗୁହା ରାମ ଗୁରୁବାର କରୋନାରେ ମୃତ୍ୟୁବରଣ କରୁଥିଲେ । ସେ ଗତ କିଛିଦିନ ହେଲା ସ୍ଥାନୀୟ କିଙ୍ଗ ଜର୍ଜ ମେଡ଼ିକାଲ କଲେଜ ଓ ହସପିଟାଲରେ ଚିକିତ୍ସିତ ହେଉଥିଲେ। ତାଙ୍କ ପରିବାର ଗୁହାରାମଙ୍କ ମୃତ୍ୟୁ ଖବରକୁ ସ୍ବୀକାର କରିଛନ୍ତି ।
ପୁଅ ସନ୍ତୋଷ କୁମାରଙ୍କ ସୂଚନା ଅନୁସାରେ ଗୁହା ରାମ କାଶ ଓ ଶ୍ବାସ ନେବାରେ ଅସୁବିଧା ଅନୁଭବ କରୁଥିଲେ । ଏହାପରେ ତାଙ୍କୁ ମଙ୍ଗଳବାର ଡ଼ାକ୍ତରଖାନାରେ ଭର୍ତି କରାଯାଇଥିଲା । ବୁଧବାର ତାଙ୍କର କରୋନା ପରୀକ୍ଷା ହୋଇଥିଲା ଓ ସନ୍ଧ୍ୟରେ ତାଙ୍କର ସ୍ବାସ୍ଥ୍ୟାବସ୍ଥାରେ ଅବନତି ଘଟିଥିଲା । ଆଜି ସକାଳେ ସେ ପରଲୋକ ଗମନ କରିଛନ୍ତି । ବିଏସପି ନେତା କାଂଶୀରାମଙ୍କୁ ଆଦର୍ଶ ମାନୁଥିବା ଗୁହାରାମ ୧୯୯୩, ୨୦୦୨, ୨୦୦୭ରେ ବିଧାନସଭାକୁ ନିର୍ବାଚିତ ହୋଇଥିଲେ । ସେ ମାୟାବତୀଙ୍କ ସରକାରରେ ସ୍ବାସ୍ଥ୍ୟମନ୍ତ୍ରୀ ଥିଲେ । ମାତ୍ର କିଛିଦିନ ତଳେ ସେ ସମାଜବାଦୀ ପାର୍ଟିରେ ଯୋଗ ଦେଇଥିଲେ ଏବଂ ଜାତୀୟ କାର୍ଯ୍ୟକାରିଣୀ ସଦସ୍ୟ ଭାବରେ ତାଙ୍କୁ ନିଯୁକ୍ତି ମିଳିଥିଲା ।
Comments are closed.