ଲକ୍ଷ୍ନୌ: ଉତ୍ତରପ୍ରଦେଶ ବିଧାନସଭା ନିର୍ବାଚନ ପାଇଁ ବିଜେପି ରବିବାର ଘୋଷଣାପତ୍ର ଜାରି କରିବ ନାହିଁ। ଭାରତରତ୍ନ ଲତା ମଙ୍ଗେସକରଙ୍କ ବିୟୋଗ ପରେ ଦଳ ଏହି ନିଷ୍ପତ୍ତି ନେଇଛି। ପାର୍ଟି କାର୍ଯ୍ୟାଳୟରେ ବିଜେପି ନେତାମାନେ ଲତାଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିବା ସହ ଶୋକ ପ୍ରକାଶ କରିଛନ୍ତି ଓ ପରବର୍ତ୍ତୀ ସମସ୍ତ କାର୍ଯ୍ୟକ୍ରମ ରଦ୍ଦ କରି ଦିଆଯାଇଛି।
ଆଜି ପ୍ରକାଶ ପାଇବାକୁ ଥିବା ଘୋଷଣାପତ୍ରକୁ ବିଜେପି ‘ଲୋକ କଲ୍ୟାଣ ସଂକଳ୍ପ ପତ୍ର ୨୦୨୨’ ନାମ ଦେଇଥିଲା। ଘୋଷଣାପତ୍ର ପ୍ରକାଶ ପାଇଁ ସମସ୍ତ ପ୍ରସ୍ତୁତି ଶେଷ ହୋଇଥିଲା। କାର୍ଯ୍ୟକ୍ରମରେ ୟୁପି ବିଜେପିର ରାଜ୍ୟ ସଭାପତିଙ୍କ ବ୍ୟତୀତ କେନ୍ଦ୍ର ଗୃହମନ୍ତ୍ରୀ ଅମିତ ଶାହ, ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଓ ଉପମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟ ସାମିଲ ଥିଲେ।
- Advertisement -
