ବସ୍ତି : ଉତ୍ତରପ୍ରଦେଶର ବସ୍ତି ଜିଲାରେ ଗୋଟବା ବଜାର ନଗର ଥାନା ଅନ୍ତର୍ଗତ ରାଷ୍ଟ୍ରୀୟ ରାଜପଥରେ ସ୍ଥିତ କଟୟା ନିକଟରେ ମର୍ମନ୍ତୁଦ ସଡକ ଦୁର୍ଘଟଣାରେ ଗୋଟିଏ ପରିବାରର ୫ ଜଣଙ୍କ ମୃତ୍ୟୁ ହୋଇଥିବା ନେଇ ଗୁରୁବାର ଖବର ମିଳିଛି । ଏକ କାରରେ ଉକ୍ତ ପରିବାର ଝାଡଖଣ୍ଡ ଯାଉଥିବା ବେଳେ ଏଭଳି ଏହି ଦୁର୍ଘଟଣା ଘଟିଛି ।
ଖବର ପାଇ ପୁଲିସ ଓ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିଛନ୍ତି । ଦୁର୍ଘଟଣାରେ ଏକ ୫ ବର୍ଷର ଶିଶୁ ଓ କାର ଚାଳକ ଗୁରୁତର ଆହତ ହୋଇଛନ୍ତି । ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ପୁଲିସ ମୃତଦେହ ଉଦ୍ଧାର କରିବା ସହ ମୃତକଙ୍କ ପରିଜନଙ୍କୁ ଘଟଣା ବିଷୟରେ ଖବର ଦେଇଛନ୍ତି । କାରଟି ସମ୍ପୂର୍ଣ୍ଣ ଭାବେ କ୍ଷତିଗ୍ରସ୍ତ ଯାଇଥିବା ବେଳେ କାର ଅବସ୍ଥାରୁ ଦୁର୍ଘଟଣା ଖୁବ ଭୟଙ୍କର ବୋଲି ଜଣାପଡିଥିଲା ।
ପୁଲିସ ଠାରୁ ମିଳିଥିବା ସୂଚନାନୁଯାୟୀ, ଝାଡଖଣ୍ଡରୁ ଉକ୍ତ ପରିବାର ଯାଉଥିବା ବେଳେ ରାଷ୍ଟ୍ରୀୟ ରାଜପଥରେ କଟୟା ନିକଟରେ ସାମ୍ନାରେ ଯାଉଥିବା କଣ୍ଟେନର ପଛରେ ଖୁବ ଜୋରରେ ଧକ୍କା ହୋଇଥିଲା ।
ଏହି ବସ୍ତି ଜିଲାରେ ଘଟିଥିବା ଦୁର୍ଘଟଣାରେ ମୁଖ୍ୟମନ୍ତ୍ରୀ ଯୋଗି ଆଦିତ୍ୟନାଥ ଗୋଟିଏ ପରିବାରର ୫ ଜଣଙ୍କ ମୃତ୍ୟୁରେ ଗଭୀର ଶୋକ ପ୍ରକାଶ କରିଛନ୍ତି । ମୃତକଙ୍କ ପରିଜନ ପ୍ରତି ସମବେଦନା ଜଣାଇବା ସହ ଗୁରୁତର ଆହତଙ୍କ ସମସ୍ତ ପ୍ରକାର ସହାୟତା କରିବାକୁ ନିଦେ୍ର୍ଦଶ ଦେବା ସହ ଆଶୁ ଆରୋଗ୍ୟ କାମନା କରିଛନ୍ତି ।
Comments are closed.