ଗୁଜରାଟ: କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡକ୍ଟର ହର୍ଷବର୍ଦ୍ଧନ ଗତକାଲି ଭାରତରେ ସ୍ୱାସ୍ଥ୍ୟସେବା ସଂପର୍କିତ ଷଷ୍ଠ ଜାତୀୟ ସମ୍ମିଳନୀକୁ ଉଦ୍ଘାଟନ୍ କରିଛନ୍ତି। ଗୁଜରାଟର ଗାନ୍ଧିନଗରସ୍ଥିତ ମହାତ୍ମା ମନ୍ଦିରରେ ଏହି ତିନିଦିନିଆ ସମ୍ମିଳନୀକୁ ଉଦ୍ଘାଟନ କରିବା ଅବସରରେ ଡକ୍ଟର ହର୍ଷବର୍ଦ୍ଧନ କହିଛନ୍ତି ମୋଦି ସରକାରଙ୍କ ଲକ୍ଷ୍ୟ ହେଉଛି ସମସ୍ତଙ୍କ ପାଇଁ ଉତ୍ତମ ସ୍ୱାସ୍ଥ୍ୟ ଏବଂ ଏଥିପାଇଁ ସରକାର ସମସ୍ତଙ୍କ ସହଯୋଗ ଚାହାନ୍ତି। ସେ କହିଛନ୍ତି ସ୍ୱଚ୍ଛ ଭାରତ ମିଶନ ଆରମ୍ଭ ହେବା ପରେ ଏପର୍ଯ୍ୟନ୍ତ ୧୦କୋଟି ଶୌଚାଳୟ ନିର୍ମାଣ କରାଯାଇଛି।
ଦେଶରେ ଉତ୍ତମ ମାନର ମେଡ଼ିକାଲ ଶିକ୍ଷା ପ୍ରଦାନକୁ ଅଗ୍ରାଧିକାର ଦିଆଯାଉଛି ଏବଂ ଦେଶରେ ଥିବା ଏମ୍ସ ଓ ବିଭିନ୍ନ ସରକାରୀ ମେଡ଼ିକାଲ କଲେଜରେ ୧୫ହଜାର ୭୦୦ ଏମ୍ବିବିଏସ୍ ସିଟି ବୃଦ୍ଧି କରାଯାଇଛି। ଏହି ସମ୍ମିଳନୀରେ ୯ଟି ଅଧିବେଶନ ରହିଛି, ଯେଉଁଥିରେ ମଧ୍ୟପ୍ରଦେଶ, ମେଘାଳୟ, ଓଡ଼ିଶା, ମଣିପୁର, ମହାରାଷ୍ଟ୍ର, ହରିଆଣା, ତେଲଙ୍ଗାନା, ହିମାଚଳପ୍ରଦେଶ, ବିହାର, ତାମିଲନାଡୁ ଏବଂ କେରଳ ଭାଗ ନେଇଛନ୍ତି।
Comments are closed.