ଡେସ୍କ: ଜାତୀୟ ଯୋଗ୍ୟତା ପ୍ରବେଶିକା ପରୀକ୍ଷା – ନିଟ୍ ୟୁଜି ୨୦୨୫ରେ ଭାରତୀୟ ବିଶିଷ୍ଟ ପରିଚୟ ପ୍ରାଧୀକରଣ (UIDAI) ଚେହେରା ପ୍ରମାଣୀକରଣ ପ୍ରକ୍ରିୟାର ସଫଳତାର ସହ ଆୟୋଜନ କରିଥିବା ଜଣାପଡିଛି। ନ୍ୟାସନାଲ ଇନଫର୍ମେଟିକ୍ସ ସେଣ୍ଟର (NIC) ଏବଂ ଜାତୀୟ ପରୀକ୍ଷଣ ସଂସ୍ଥା (ଏନଟିଏ)ର ମିଳିତ ସହଯୋଗରେ ଚେହେରା ପ୍ରମାଣୀକରଣ ପ୍ରକ୍ରିୟାର ବ୍ୟବହାର କରାଯାଇଥିଲା। ଉନ୍ନତ ବାୟୋମେଟ୍ରିକ୍ ଜ୍ଞାନକୌଶଳ ବ୍ୟବହାର କରି ପରୀକ୍ଷା ସୁରକ୍ଷା ଏବଂ ପ୍ରାର୍ଥୀ ଯାଞ୍ଚ ପ୍ରକ୍ରିୟାକୁ ବୃଦ୍ଧି କରିବା ଦିଗରେ ଏହା ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି କୁହାଯାଇଛି।
ଭାରତର ଅନ୍ୟତମ ବୃହତ୍ତମ ପ୍ରବେଶିକା ପରୀକ୍ଷାରେ ଭାଗ ନେଉଥିବା ପରୀକ୍ଷାର୍ଥୀଙ୍କ ପରିଚୟ ଯାଞ୍ଚ କରିବାର ମାଧ୍ୟମ ଭାବରେ ଆଧାର ଆଧାରିତ ଚେହେରା ପ୍ରମାଣୀକରଣର ଦୃଢ଼ତା ମୂଲ୍ୟାଙ୍କନ କରିବା ଏହି ପ୍ରକ୍ରିୟାର ଉଦ୍ଦେଶ୍ୟ ଥିଲା। ଆଧାର ଆଧାରିତ ଚେହେରା ପ୍ରମାଣୀକରଣ କୌଶଳ ଦିଲ୍ଲୀର ବଛାବଛା ନିଟ୍ କେନ୍ଦ୍ରରେ କରାଯାଇଥିଲା ଏବଂ ଏନଆଇସିର ଡିଜିଟାଲ ଭିତ୍ତିଭୂମି ଏବଂ ଏନଟିଏର ପରୀକ୍ଷା ପ୍ରୋଟୋକଲ ସହିତ ସମନ୍ୱିତ ହୋଇଥିଲା।
ଆଧାରର ବାୟୋମେଟ୍ରିକ ଡାଟାବେସ୍ ବ୍ୟବହାର କରି ରିୟଲ ଟାଇମରେ ଚେହେରା ପ୍ରମାଣୀକରଣ କରାଯାଇଥିଲା, ଯାହା ପ୍ରକ୍ରିୟାକୁ ଯୋଗାଯୋଗ ବିହୀନ ଏବଂ ଅଧିକ ଶୃଙ୍ଖଳିତ କରିଥିଲା। ଏହାର ଫଳାଫଳ ପ୍ରାର୍ଥୀ ଯାଞ୍ଚରେ ବହୁତ ଉଚ୍ଚ ସ୍ତରର ସଠିକତା ଏବଂ ଦକ୍ଷତା ପ୍ରଦର୍ଶନ କରିଥିଲା।
Comments are closed.