ଆମେରିକାରେ ୨ ବିଲେଇ କରୋନାରେ ସଂକ୍ରମିତ

ନ୍ୟୁୟର୍କ: କରୋନା ଦ୍ବାରା ବହୁ ମାତ୍ରାରେ ପ୍ରଭାବିତ ହୋଇଥିବା ଆମେରିକାରେ ପୋଷା ଜନ୍ତୁଙ୍କଠାରେ ଏହି ମହାମାରୀ ଭୂତାଣୁ ଦେଖିବାକୁ ମିଳିଛି। ନ୍ୟୁୟର୍କ ସହରରେ ୨ଟି ପୋଷା ବିଲେଇ କରୋନା ଦ୍ବାରା ସଂକ୍ରମିତ ହୋଇଥିବା ଜଣାପଡ଼ିଛି। ପୂର୍ବରୁ ଆମେରିକାର ଏକ ଚିଡ଼ିଆଖାନାରେ ଗୋଟିଏ ମହାବଳ ବାଘ କରୋନା ଦ୍ବାରା ଆକ୍ରାନ୍ତ ହୋଇଥିବା ଜଣାପଡ଼ିଥିଲା। କିନ୍ତୁ ପୋଷା ଜନ୍ତୁ ଆକ୍ରାନ୍ତ ହେବା ଦେଶରେ ପ୍ରଥମ ଘଟଣା ବୋଲି କୁହାଯାଇଛି।

ଆମେରିକାର କୃଷି ବିଭାଗ ଏବଂ ସଂଘୀୟ ରୋଗ ନିୟନ୍ତ୍ରଣ ଓ ପ୍ରତିରୋଧ କେନ୍ଦ୍ର ପକ୍ଷରୁ କୁହାଯାଇଛି ଯେ, ୨ଟି ବିଲେଇ ଶ୍ଵାସକ୍ରିୟାରେ କଷ୍ଟ ଅନୁଭବ କରିବା ପରେ ପରୀକ୍ଷା କରାଯିବାରୁ ସେମାନେ କରୋନାରେ ସଂକ୍ରମିତ ହୋଇଥିବା ଜଣାପଡ଼ିଥିଲା। ବିଲେଇଙ୍କଠାରୁ ପରିବାର ଲୋକ ଏବଂ ପଡ଼ୋଶୀଙ୍କୁ ସଂକ୍ରମଣ ବ୍ୟାପିବାର ଆଶଙ୍କା ରହିଛି। ତେବେ ମଷିଷଙ୍କଠାରୁ କିଛି ପଶୁଙ୍କୁ ସଂକ୍ରମଣ ବ୍ୟାପିଥିବା ବରିଷ୍ଠ ଅଧିକାରୀମାନେ କହିଛନ୍ତି। ପୂର୍ବରୁ ବ୍ରୋକ୍ସ ଚିଡ଼ିଆଖାନାରେ କିଛି ବାଘ ଏବଂ ସିଂହ କରୋନାରେ ଆକ୍ରାନ୍ତ ହୋଇଥିବା ଜଣାପଡ଼ିଥିଲା। ତେବେ ରୋଗ ନିୟନ୍ତ୍ରଣ ଓ ପ୍ରତିରୋଧ କେନ୍ଦ୍ର ଅଧିକାରୀ କେ.ସି. ବାର୍ଟନ କହିଛନ୍ତି, ଲୋକମାନେ ଭୟଭୀତ ହେବାର କୌଣସି କାରଣ ନାହିଁ। କାରଣ ଏଯାଏ ପଶୁମାନଙ୍କଠାରୁ ମଣିଷକୁ ସଂକ୍ରମଣ ବ୍ୟାପିବାର କୌଣସି ଘଟଣା ଘଟିନାହିଁ।