ପାଟଣା : ଘଟଗାଁ ଥାନା ଅଞ୍ଚଳ ବାରହାଟିପୁରା ନିକଟସ୍ଥ ଦେହୁରୀପଡା କେନାଲ ନିକଟରେ ରାସ୍ତା ପାର୍ଶ୍ଵରେ ଥିବା ଏକ ସିମେଣ୍ଟ କଂକ୍ରିଟ ଫଳକରେ ପିଟି ହୋଇ ଗତକାଲି ଏକ ବାଇକ ଦୁର୍ଘଟଣା ଗ୍ରସ୍ତ ହେବା ଫଳରେ ମାଟ୍ରିକ ପରୀକ୍ଷା ଦେଇଥିବା ୨ ଜଣଙ୍କର ମୃତ୍ୟୁ ଘଟିଥିବା ବେଳେ ଆଉ ଜଣେ ଗୁରୁତର ହୋଇଛନ୍ତି। ଗତକାଲି ଅପରାହ୍ନରେ ଘଟିଥିବା ଏହି ଘଟଣାରେ ହରିଚନ୍ଦନପୁର ବ୍ଲକ ଠାକୁରପଡା ଗ୍ରାମର ଶିବାନନ୍ଦ ମହାରଣା (୧୬) ଏବଂ ରାଇଡିହା ଗ୍ରାମର ସୌମ୍ୟରଞ୍ଜନ ମହାନ୍ତ(୧୬) ଙ୍କର ମୃତ୍ୟୁ ଘଟିଥିବା ବେଳେ ଗୁରୁତର ଜଣକ ଠାକୁରପଡ଼ା ଗ୍ରାମର ସିଦ୍ଧାନ୍ତ ମହାରଣା(୨୦) ବୋଲି ଜଣାପଡିଛି। ମୃତ ଓ ଗୁରୁତର ମାନେ ସାନ୍ତରାପୁର ଗ୍ରାମକୁ ହୋଲି ଖେଳିବା ପାଇଁ ଆସି ଫେରିବା ରାସ୍ତାରେ ସେମାନଙ୍କ ବାଇକ ଭାରସାମ୍ୟ ହରାଇ ଦୁର୍ଘଟଣା ଗ୍ରସ୍ତ ହୋଇଥିଲା। ସୂଚନା ଯୋଗ୍ୟ ଯେ ହୋଲି ଖେଳିବା ପାଇଁ ସେମାନେ ବାଇକ୍ ମଧ୍ୟ ମାଗି କରି ଆଣିଥିଲେ । ଏନେଇ ଘଟଗାଁ ଥାନାରେ ଏକ ଦୁର୍ଘଟଣା ମାମଲା ରୁଜୁ କରାଯାଇ ଆଜି ପୁଲିସ ମୃତକଙ୍କ ଶବ ବ୍ୟବଚ୍ଛେଦ କରାଇ ତାଙ୍କ ପରିବାରକୁ ହସ୍ତାନ୍ତର କରିଛି।
Popular Categories
Previous article
Next article