ସମାଜ ଡିଜିଟାଲ ଡେସ୍କ: ବଲାଙ୍ଗୀର ଜିଲା ତୁଷୁରା ଅନ୍ତର୍ଗତ ଚିନଗେଲା ଗାଁ ଅଭାଭବନୀ ଘଟଣା ଘଟିଛି। ପାଗଳ କୁକୁର କାମୁଡ଼ାରେ ଦୁଇ ଜଣ ବ୍ୟକ୍ତିଙ୍କ ମୃତ୍ୟୁ ଘଟିଛି। ମୃତକ ଦ୍ଵୟ ହେଲେ ଯୋଗେନ୍ଦ୍ର ଛତ୍ରିଆ ଏବଂ ହୃଷୀକେଶ ରଣା। ଅନ୍ୟ କିଛି ବ୍ୟକ୍ତି କୁକୁର କାମୁଡ଼ାରେ ଆହତ ହୋଇ ଏବେ ଚିକିତ୍ସିତ ହେଉଛନ୍ତି। ଯୋଗେନ୍ଦ୍ର ଜଣେ ଜାତୀୟ ସ୍ତରର ଦିବ୍ୟାଙ୍ଗ ଖେଳାଳି। ତାଙ୍କ ମୃତ୍ୟୁରେ ଅଞ୍ଚଳରେ ଶୋକର ଛାୟା ଖେଳିଯାଇଛି।
ସୂଚନା ଅନୁସାରେ, ଗତ ଜୁଲାଇ ୨୩ ତାରିଖରେ ଚିନଗେଲା ଗାଁରେ ଏକ ପାଗଳ କୁକୁର ଲୋକଙ୍କୁ ଗୋଡ଼ାଇ ଗୋଡ଼ାଇ କାମୁଡ଼ିଥିଲା। ଏଥିରେ ଗୁରୁତର ଆହତ ହୋଇଥିବା ଯୋଗେନ୍ଦ୍ର ଏବଂ ହୃଷୀକେଶଙ୍କୁ ବୁର୍ଲା ଡାକ୍ତରଖାନାରେ ଭର୍ତ୍ତି କରାଯାଇଥିଲା। ହେଲେ ଚିକିତ୍ସାଧୀନ ଅବସ୍ଥାରେ ଉଭୟଙ୍କର ମୃତ୍ୟୁ ଘଟିଛି।
