ଡେସ୍କ: ବିଶ୍ୱରେ ବହୁଳ ପ୍ରସାରିତ ଓ ଆଦୃତ ସାମାଜିକ ଗଣମାଧ୍ୟମ ଟ୍ୱିଟର ଏବେ ତାର ବ୍ୟବହାରକାରୀମାନଙ୍କ ଉପରେ କଟକଣା ଜାରି କରିଛି। ଏହି କଟକଣା ସ୍ୱରୂପ ବାର୍ତ୍ତା ପ୍ରେରଣ କରିବା ଓ ପଢ଼ିବା ଉପରେ ସାମୟିକ କଟକଣା ଲଗାଯାଇଛି। ଟ୍ୱିଟର ମାଲିକ ମୁଖ୍ୟ ଏଲନ ମସ୍କ ଏ ନେଇ ଟ୍ୱିଟ ଜରିଆରେ ସୂଚନା ଦେଇଛନ୍ତି। ସେ କହିଛନ୍ତି, ଅସୀମିତ ବାର୍ତ୍ତା ପ୍ରେରଣ ଓ ପଢିବା ଫଳରେ ବ୍ୟବହାରକାରୀ ଅନ୍ୟର ବ୍ୟକ୍ତିଗତ ତଥ୍ୟ ବିଶ୍ଳେଷଣ କରିବାର ସୁଯୋଗ ପାଉଛନ୍ତି ଅର୍ଥାତ ସ୍କ୍ରାପିଂ ଓ ଜାଲିଆତି ରୋକିବାକୁ ଏପରି ଅସ୍ଥାୟୀ କଟକଣା ଲଗାଯାଇଛି।
ସୂଚନା ଅନୁଯାୟୀ, ପ୍ରତିଦିନ ଜଣେ ସତ୍ୟାପିତ ବ୍ୟବହାରକାରୀ ୬ ହଜାର ପୋଷ୍ଟ ପଢ଼ିପାରିବେ। ସତ୍ୟାପିତ ହୋଇ ନ ଥିଲେ ଦୈନିକ ସର୍ବାଧିକ ୬ ଶହ ପୋଷ୍ଟ ପଢ଼ିପାରିବେ। କିନ୍ତୁ ନୂଆ ସତ୍ୟାପିତ ହୋଇନଥିବା ବ୍ୟବହାରକାରୀ ଦୈନିକ ମାତ୍ର ୩ ଶହ ବାର୍ତ୍ତା ପଢିପାରିବେ।
