ହିନ୍ଦୁଶାସ୍ତ୍ରରେ ତୁଳସୀକୁ ଏକ ପବିତ୍ର ବୃକ୍ଷ ମାନିଥାଆନ୍ତି। ଏହାଙ୍କୁ ପୂଜାର୍ଚ୍ଚନା ମଧ୍ୟ କରାଯାଇଥାଏ। ତୁଳସୀରେ ଆଣ୍ଟି-ବ୍ୟାକ୍ଟେରିଆ ଗୁଣ ରହିଛି। ସ୍ବାସ୍ଥ୍ୟ ନିମନ୍ତେ ତୁଳସୀ ସେବନ କରିବା ଅତ୍ୟନ୍ତ ଲାଭଦାୟକ ହୋଇଥାଏ। ଉତ୍ତମ ସ୍ବାସ୍ଥ୍ୟ ସହ କେଶ ପାଇଁ ତୁଳସୀ ଲାଭଦାୟକ ହୋଇଥାଏ।
ଆସନ୍ତୁ ଜାଣିବା କେଶ ପାଇଁ ତୁଳସୀର ବ୍ୟବହାର ସମ୍ବନ୍ଧରେ ..
କେଶ ଝଡିବାରୁ ମୁକ୍ତି :
କେଶ ଝଡିବାରୁ ବର୍ତ୍ତିବା ପାଇଁ ତୁଳସୀର ବ୍ୟବହାର ଅତ୍ୟନ୍ତ ଲାଭଦାୟକ ହୋଇଥାଏ। ତେଲରେ ତୁଳସୀ ପତ୍ରକୁ ମିଶାଇ ଦିଅନ୍ତୁ। ତାପରେ ତାକୁ କେଶ ମୂଳରେ ଭଲ ଭାବେ ମାଲିସ କରନ୍ତୁ। ଏହାଦ୍ବାରା କେଶର ମୂଳ ମଜଭୂତ ହୋଇଥାଏ। ଏପରି ପ୍ରତି ସପ୍ତାହରେ ୩ଥର କରିବା ଦ୍ବାରା କେଶ ଝଡିବା କମ୍ ହୋଇଯାଏ।
ରୂପି ଜନିତ ସମସ୍ୟାରୁ ମୁକ୍ତି :
ତୁଳସୀରେ ଆଣ୍ଟି-ବ୍ୟାକ୍ଟେରିଆ ରହିଛି। ପ୍ରତିଦିନ ଆପଣ ବ୍ୟବହାର କରୁଥିବା ତେଲରେ ତୁଳସୀ ପକାଇ ଲଗାନ୍ତୁ। ଏପରି କରିବା ଦ୍ବାର କେଶର ରୁକ୍ଷତା ଦୂର ହୋଇଯାଏ। ତୁଳସୀର ତେଲ ଲଗାଇବା ଦ୍ବାରା ରୂପି ସମସ୍ୟା କମ୍ ହୋଇଯାଏ।
କେଶ ଧଳା ହେବାରୁ ରକ୍ଷା କରେ :
କେଶ ଧଳା ହେବାରୁ ରକ୍ଷା କରିବା ପାଇଁ ତୁଳସୀ ଅତ୍ୟନ୍ତ ଲାଭଦାୟକ ଅଟେ। ତୁଳସୀ ପତ୍ରକୁ ଶୁଖାଇ ତାକୁ ଭଲ ଭାବେ ପାଉଡର ପ୍ରସ୍ତୁତ କରନ୍ତୁ। ତାକୁ ଅଅଁଳା ପାଉଡରରେ ଭଲ ଭାବେ ମିଶାଇ ଗୋଟେ ରାତି ପାଣି ଭିଜାଇ ଦିଅନ୍ତୁ। ସକାଳେ ସେହି ମିଶ୍ରଣକୁ କେଶରେ ଲଗାଇ କିଛି ସମୟରେ ପରେ ଧୁଅନ୍ତୁ। କିଛି ଦିନ ପର୍ଯ୍ୟନ୍ତ ଏପରି କରିବା ଦ୍ବାରା କେଶର ପ୍ରାକୃତିକ ରଙ୍ଗ ଫେରି ଆସିବ। କେଶ ଧଳା ହେବ ନାହିଁ।
