ସମାଜ ଡିଜିଟାଲ ଡେସ୍କ: ଇସ୍ରାଏଲ ଗାଜା ଦଖଲ ଅଭିଯାନକୁ ଜୋରଦାର କରିଥିବାବେଳେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ହମାସକୁ ଶେଷ ଚେତାବନୀ ଦେଇଛନ୍ତି। ଯୁଦ୍ଧ ବନ୍ଦ ନ କଲେ ପରିଣାମ ଭୟଙ୍କର ହେବ ବୋଲି ସେ ହମାସକୁ ଚେତାଇ ଦେଇଛନ୍ତି। ଅନ୍ୟପଟେ ଟ୍ରମ୍ପଙ୍କ ଏହି ମନ୍ତବ୍ୟର ଜବାବ ଦେଇଛି ହମାସ। ଆମେ ଯୁଦ୍ଧ ବନ୍ଦ ପାଇଁ ଆଲୋଚନା କରିବାକୁ ପ୍ରସ୍ତୁତ ହମାସ କହିଛି।
ତେବେ ଇସ୍ରାଏଲ-ହମାସ ଯୁଦ୍ଧକୁ ନେଇ ଇରାନର ସୁପ୍ରିମ ନେତା ଆୟାତୋଲ୍ଲା ଅଲ୍ଲୀ ଖାମେନେଇଙ୍କ ଏକ ମନ୍ତବ୍ୟ ପରିସ୍ଥିତକୁ ଅଧିକ ଜଟିଳ କରିଛି। ଇସ୍ରାଏଲ ଆକ୍ରମଣକୁ ବିରୋଧ କରି ଖାମେନେଇ ସମସ୍ତ ମୁସଲମାନ ଏବଂ ଅଣମୁସଲମାନ ଦେଶକୁ ଇସ୍ରାଏଲ ସହିତ ବାଣିଜ୍ୟିକ ଏବଂ ରାଜନୈତିକ ସମ୍ପର୍କ ଚ୍ଛିନ୍ନ କରିବାକୁ ଅନୁରୋଧ କରିଛନ୍ତି।
