ଅହମ୍ମଦାବାଦ: ଗୁଜୁରାଟର ଭାବନଗରରେ ଥିବା ବାଭୟାଲି ଗ୍ରାମ ନିକଟରେ ସଡକ ଦୁର୍ଘଟଣାରେ ୧୯ ଜଣଙ୍କର ମୃତ୍ୟୁ ହୋଇଛି । ଏହି ଦୁର୍ଘଟଣାରେ ୭ ଜଣ ଗୁରୁତର ହୋଇଛନ୍ତି । ମୃତକମାନେ ଶ୍ରମିକ ବୋଲି ଜଣା ପଡିଛି । ଏକ ନିର୍ମାଣ କାର୍ଯ୍ୟପାଇଁ ଟ୍ରକରେ ସିମେଣ୍ଟ ବସ୍ତା ଯାଉଥିଲା । ଭାବନଗର-ଅହମ୍ମଦାବାଦ ରାଜପଥର ବାଭୟାଲି ନିକଟରେ ଏହି ଟ୍ରକଟି ଏକ ଖାତ ମଧ୍ୟକୁ ଓଲଟି ପଡିଥିଲା । ସିମେଣ୍ଟ ବସ୍ତା ଉପରେ ବସିଥିବା ଶ୍ରମିକମାନେ ଟ୍ରକ ଓଲଟିବାପରେ ଏହାର ତଳେ ରହିଯାଇଥିଲେ ।
ଘଟଣାସ୍ଥଳରେ ୧୯ ଜଣଙ୍କର ମୃତ୍ୟୁ ହୋଇଥିଲା । ଆହତମାନଙ୍କୁ ବାଭୟାଲିରେ ଥିବା ଏକ ସରାକାରୀ ଡାକ୍ତରଖାନାରେ ଚିକିତ୍ସାପାଇଁ ଭର୍ତ୍ତି କରାଯାଇଛି । ଦୁର୍ଘଟଣାପରେ ଟ୍ରକର ଚାଳକ ଫେରାର ହୋଇଯାଇଛି ।
