ନୂଆଦିଲ୍ଲୀ : ଦୁର୍ଘଟଣାର ଅନେକ ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହୋଇଥାଏ । ଗାଡି ପରସ୍ପର ଧକ୍କା ହେବାର ଅନେକ ଭିଡିଓ ଦେଖି ଛାତି ଥରି ଉଠିଥାଏ । ସେଭଳି ଭିଡିଓ ଦେଖିଲେ ଭୟଭୀତ ଲାଗିବା ସହ ଆଶ୍ଚର୍ଯ୍ୟ ଲାଗି ଥାଏ । ନିକଟରେ ଏଭଳି କିଛି ଭିଡିଓ ସାମ୍ନାକୁ ଆସିଛି, ଯାହା ବାସ୍ତବିକ ଭୟଭୀତ କରୁଛି । ଜଣେ ବ୍ୟକ୍ତି ମାତ୍ର କିଛି କ୍ଷଣ ମଧ୍ୟରେ ଏକ ବଡ ବିପଦରୁ ତାଙ୍କ ଜୀବନ ବଞ୍ଚି ଯାଉଛି । ନିକଟରେ ନିଶ୍ୱାସ ଅଟକାଇଦେବା ଭଳି ଯୁବକଙ୍କ ଏକ ଭିଡିଓ ଭାଇରାଲ୍ ହେଉଛି ।
ଭାଇରାଲ ହେଉଥିବା ଭିଡିଓଟି ସିସିଟିଭିର ଫୁଟେଜ ଭଳି ଜଣାପଡୁଛି । ଏହି ଭିଡିଓରେ ଲାଇଭ୍ ଦୁର୍ଘଟଣାର ଏହି ଦୃଶ୍ୟ ଛାତିଥରା । ଭିଡିଓରେ ଦେଖିପାରିବେ ଦ୍ରୁତ ଗତିରେ ଆସୁଥିବା ଟ୍ରେନ୍ ଆଡକୁ ଜଣେ ବାଇକ୍ ଆରୋହୀ ଯିବା ସହ ଅତି ଭୟରେ ପଛକୁ ଉଠିପଡି ପଛକୁ ଆସି ଦୌଡୁଛନ୍ତି । କିଛି କ୍ଷଣ ମଧ୍ୟରେ ବଡ ଅଘଟଣରୁ ସେ ବର୍ତ୍ତି ଯାଇଥିବା ସହ ତାଙ୍କ ବାଇକ୍ ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଛି । ବାଇକ୍ର ସମସ୍ତ ଅଂଶର ଭାଙ୍ଗି ରୁଜି କେଉଁଠି ପଡିଛି ତା’ର କୌଣସି ଠିକଣା ନାହିଁ ।
ମାତ୍ର କେଇ ସେକେଣ୍ଡର ଏହି ଭିଡିଓରେ ରେଳ ଧାରଣାର ଉଭୟ ପଟରେ ଲୋକେ ଠିଆ ହୋଇଛନ୍ତି । ରେଳ ଫାଟକ ମଧ୍ୟ ପଡିଛି । ଏହା ସତ୍ତ୍ୱେ ମଧ୍ୟ ବାଇକ୍ ଆରେହୀ ଜଣକ ଫାଟକ ଡେଇଁ ଯାଇ ବିପଦର ସମ୍ମୁଖୀନ ହୋଇଛନ୍ତି । ଟ୍ରେନ୍ ସହ ଦୁର୍ଘଟଣାର ଏହି ଦୃଶ୍ୟ ଦେଖି ଲୋକଙ୍କ ନିଶ୍ୱାସ ଅଟକି ଯାଇଥିଲା । ବ୍ୟକ୍ତି ଜଣଙ୍କୁ ଜୀବିତ ଦେଖି ଲୋକେ ଭଗବାନଙ୍କୁ ଧନ୍ୟବାଦ ଦେଇଥିଲେ । ଭିଡିଓଟି ପୋଷ୍ଟ ହେବା ପରେ ଲକ୍ଷ ଲକ୍ଷ ଲୋକେ ଏହାକୁ ଦେଖିବା ସହ ନିଜର ଭିନ୍ନ ଭିନ୍ନ ମତ ଦେଇଛନ୍ତି ।
