ମର୍ମନ୍ତୁଦ ଟ୍ରେନ୍‌‌ ଦୁର୍ଘଟଣା ; ମୃତ୍ୟୁ ସଂଖ୍ୟା ୧୩

ଭୁବନେଶ୍ୱର : ଆନ୍ଧ୍ରପ୍ରଦେଶର କଣ୍ଟାକାପାଲି ଏବଂ ଆଲମଣ୍ଡା ଷ୍ଟେସନ ମଧ୍ୟରେ ଭୟଙ୍କର ରେଳ ଦୁର୍ଘଟଣାରେ ମୃତ୍ୟୁ ସଂଖ୍ୟା ୧୩ ବୋଲି ରେଲୱେ ପକ୍ଷରୁ ଆଜି ସୂଚନା ମିଳିଛି। ୨ ଖଣ୍ଡ ମୃତଦେହକୁ ନେଇ ଦ୍ୱନ୍ଦ୍ୱ ଥିବାରୁ ୨ ଜଣ ବୋଲି କୁହାଯାଉଥିଲା। ଫଳରେ ପ୍ରଥମେ ୧୪ ମୃତଦେହ ବୋଲି ଜଣାପଡିଥିଲା। ମାତ୍ର ମୃତକମାନଙ୍କ ସଂଖ୍ୟା ୧୪ ନୁହେଁ ୧୩ ବୋଲି ସ୍ପଷ୍ଟ କରାଯାଇଛି। ୧୩ ଜଣଙ୍କ ମଧ୍ୟରୁ ୧୨ ଜଣଙ୍କ ପରିଚୟ ମିଳିଥିବା ବେଳେ ଜଣଙ୍କ ପରିଚୟ ଅସ୍ପଷ୍ଟ ରହିଛି। ଏଥିରେ ୫୦ ଜଣ ଆହତ ହୋଇଛନ୍ତି। ସେମାନଙ୍କ ଚିକିତ୍ସା କରାଯାଉଛି। ଆହତଙ୍କ ମଧ୍ୟରେ ପୁରୁଷ ଓ ମହିଳା ରହିଛନ୍ତି। ମୃତକଙ୍କ ମଧ୍ୟରେ ଜଣେ ଲୋକୋ ପାଇଲଟ୍ ଏବଂ ଟ୍ରେନ ଗାର୍ଡଙ୍କ ମଧ୍ୟ ମୃତ୍ୟୁ ହୋଇଥିବା ନେଇ ଖବର ମିଳିଛି। ଗତକାଲି ଆନ୍ଧ୍ର ପ୍ରଦେଶ ବିଜୟନଗରମ୍ ରେ ଏହି ବଡ଼ ଧରଣର ରେଳ ଦୁର୍ଘଟଣା ଘଟିଥିଲା।