ସାକ୍ଷୀଗୋପାଳ : ସାକ୍ଷୀଗୋପାଳ ବଜାର ରେଳ ଫାଟକ ପଡୁଥିବା ସମୟରେ ରେଳ ଗେଟ ଭାଙ୍ଗି ଯିବାରୁ ଏକ ଘଣ୍ଟାରୁ ଉର୍ଦ୍ଧ୍ବ ସମୟ ଧରି ସାକ୍ଷୀଗୋପାଳ ବଜାର ମୁଖ୍ୟ ରାସ୍ତାରେ ଚଳାଚଳ ବନ୍ଦ ହୋଇ ଯାଇଥିଲା । ରାସ୍ତାର ଉଭୟ ପାର୍ଶ୍ୱରେ ଶହ ଶହ ଲୋକ ଓ ଯାନବାହାନ ଅଟକି ରହିଥିଲା । ସାକ୍ଷୀଗୋପାଳ ବଜାର ମଧ୍ୟ ଦେଇ ଯାଇଥିବା ପୁରୀ ଖୋର୍ଦ୍ଧା ରେଳ ପଥର ସାକ୍ଷୀଗୋପାଳ ରେଳ ଫାଟକରେ ଏକ ଟ୍ରେନ ଯିବା ପାଇଁ ମଧ୍ୟାହ୍ନ ୧୨ ଘଟିକା ସମୟରେ ରେଳ ଫାଟକ ପଡୁଥିବା ସମୟରେ ହଠାତ ଏକ ପାର୍ଶ୍ଵର ଗେଟ ( ବୁମ )ଅଧାରୁ ଭାଙ୍ଗିଯାଇ ଅଚଳ ହୋଇ ପଡିଥିଲା । ସେଠାରେ ଫାଟକ ପକାଉଥିବା କର୍ମଚାରୀମାନେ ଦୀର୍ଘ ସମୟ ଚେଷ୍ଟା କରିଥିଲେ ମଧ୍ୟ ସଫଳ ହୋଇପାରିନଥିଲେ । ଏହି ସମୟରେ ଉକ୍ତ ଲେବୁଲ କ୍ରସିଂର ଉଭୟ ପାର୍ଶ୍ୱରେ ଏକ ଘଣ୍ଟାରୁ ଉର୍ଦ୍ଧ୍ବ ସମୟ ଶହ ଶହ ଜନସାଧାରଣ ଅପେକ୍ଷା କରି ରହିଥିଲେ । ସେହିପରି ରେଳ ଫାଟକ ଖରାପ ହୋଇ ଯାଇଥିବାରୁ ରେଳ ଚଳାଚଳ ମଧ୍ୟ ବନ୍ଦ ରହିଥିଲା । ଖବର ପାଇ ସାକ୍ଷୀଗୋପାଳ ରେଳବାଇ ଫାଣ୍ଡି ପୋଲିସ ଅଧିକାରୀଣି ଇନ୍ଦୁମତୀ ସୁକ୍କା ତାଙ୍କ ଟିମ ଓ ଅନ୍ୟ ରେଳ କର୍ମଚାରୀ ଘଟଣାସ୍ଥଳରେ ପହଞ୍ଚି ଭଙ୍ଗା ଗେଟକୁ କାର୍ଯ୍ୟକ୍ଷମ କରିବା ପରେ ଲୋକମାନେ ଯିବା ଆସିବା କରିଥିଲେ ।
Popular Categories
Previous article
Next article