ଘଷିପୁରା : କେନ୍ଦୁଝର ଜିଲ୍ଲା ଘଷିପୁରା ଥାନା ଅନ୍ତର୍ଗତ ନାରଙ୍ଗପୁର ଗ୍ରାମର ଜଣେ ଛାତ୍ରଙ୍କର ମଙ୍ଗଳବାର ଟ୍ରେନ ଧକ୍କାରେ ମୃତ୍ୟୁ ଘଟିଥିବା ଜଣାପଡିଛି। ମୃତ ଛାତ୍ର ଜଣଙ୍କ ଧର୍ମେନ୍ଦ୍ର ସାହୁଙ୍କ ପୁଅ ଅନିଶ କୁମାର ସାହୁ(ରୋଶନ) । ତେବେ ରୋଶନ ବରଗୋଡା ଗ୍ରାମରେ ଏକ ଭଡାଘରେ ରହି ହରିଚନ୍ଦନପୁର ଆଦର୍ଶ ବିଦ୍ୟାଳୟର ୮ମ ଶ୍ରେଣୀରେ ପାଠ ପଢୁଥିଲେ । ମଙ୍ଗଳବାର ଦିନ ୧୧.୩୦ ମିନିଟ ସମୟରେ ବିଦ୍ୟାଳୟରୁ ଭଡା ଘରକୁ ଫେରୁଥିବା ସମୟରେ ଟେନ ଲାଇନ ପାର ହେବା ବେଳେ ପୁରୀ ବଡ଼ବିଲ ଏକ୍ସପ୍ରେସ ଧକ୍କା ଦେଇଥିଲା ଫଳରେ ଛାତ୍ରଙ୍କର ମୃତ୍ୟୁ ଘଟିଥିଲା। ଖବରପାଇ ରେଲୱେ ପୁଲିସ ଓ ସ୍ଥାନୀୟ ପୁଲିସ ଘଟଣା ସ୍ଥଳରେ ପହଞ୍ଚି ମୃତ ଦେହକୁ ଜବତ କରି ବ୍ୟବଚ୍ଛେଦ ନିମନ୍ତେ ଆନନ୍ଦପୁର ଡାକ୍ତରଖାନା ପଠାଇଥିବା ଜଣାପଡିଛି । ଛାତ୍ରଙ୍କର ମୃତ୍ୟୁ ବିଦ୍ୟାଳୟ କର୍ତ୍ତୁପକ୍ଷଙ୍କ ଭୁଲ ଯୋଗୁଁ ହେଇଥିବା ନେଇ ଘଟଣା ସ୍ଥଳରେ ସ୍ଥାନୀୟ ଲୋକଙ୍କ ଉତ୍ତେଜନା ଦେଖାଦେଇଛି ।
Popular Categories
Previous article
Next article