ମେଷ: ପତ୍ନୀ ସେବିକା ମନୋବୃତ୍ତିର ହେବେ। କର୍ମକ୍ଷେତ୍ରରେ ଚଞ୍ଚଳା ହେବେ। ଧନପ୍ରିୟା ହୋଇପାରନ୍ତି। ସାଧୁଚରିତ ସମ୍ପନ୍ନା ହେବେ। ପତିପ୍ରାଣାଭାବେ ଆଦର୍ଶନୀୟା ହେବେ। ଦାମ୍ପତ୍ୟ ଜୀବନ ସୁଖପ୍ରଦ ହେବ।
ବୃଷ: ଗୃହପାଳିତ ପଶୁମାନଙ୍କୁ ନିଜ ଆୟତ୍ତରେ ରଖିନପାରି ପଡ଼ୋଶୀର ଫସଲ ନଷ୍ଟଜନିତ ବୈରତାକୁ ବରଣ କରିବେ। ଅସତ୍ୟ ମାର୍ଗରୁ ମୁହଁ ଫେରାଇ ଆଣିପାରନ୍ତି। ପତ୍ନୀ ଓ ବନ୍ଧୁଙ୍କ ପାଇଁ ସୁଖ ଅନୁଭବୀ ହେବେ।
ମିଥୁନ: ସନ୍ତାନମାନେ ସୁଶିକ୍ଷିତ ହେବେ। ସ୍ବଧର୍ମାନୁରକ୍ତ ହୋଇପାରନ୍ତି। ଚରିତ୍ରବାନ୍ଭାବେ ଜନସାଧାରଣଙ୍କ ଆଦରଣୀୟ ହେବେ। ପ୍ରାୟ ପ୍ରତ୍ୟେକ କ୍ଷେତ୍ରରେ ସଜଳ, ଉଜ୍ଜ୍ବଳ ଓ ତେଜଯୁକ୍ତ ହେବେ।
କର୍କଟ:ଜଳଯାତ ଦ୍ରବ୍ୟରୁ ଧନ ପ୍ରାପ୍ତ ହୋଇ ଆର୍ଥିକ ସ୍ଥିତିକୁ ଦୃଢ଼ କରିପାରନ୍ତି। ବାଡ଼ି କୂପର ସ୍ବଚ୍ଛତା ଓ ପରିଷ୍କାର ପରିଚ୍ଛନ୍ନତା ଯୋଗଁୁ ପାନୀୟ ଜଳ ଗୃହ ଓ ଉର୍ବର ଭୂମିର ସୁବିଧା ହାସଲ କରିପାରନ୍ତି। ସୁସ୍ଥ ରହିବେ।
ସିଂହ: ଜାତି, ଧର୍ମ, ବର୍ଣ୍ଣ ନିର୍ବିଶେଷରେ ପ୍ରାୟ ପ୍ରତ୍ୟେକ ବର୍ଗର ଲୋକଙ୍କର ପ୍ରିୟପାତ୍ର ହେବେ। ନିଜ ଶ୍ରମର ପ୍ରାପ୍ୟ ପାଇ ଆର୍ଥିକ ସ୍ଥିତିକୁ ଦୃଢ଼ କରିବେ। ଲୋକ ହିତକର କାର୍ଯ୍ୟ କରି ପ୍ରଶଂସାର ପାତ୍ର ହେବେ।
କନ୍ୟା:କାର୍ଯ୍ୟ କରୁଥିବା ସଂସ୍ଥାରୁ ନିଜର ପରିଶ୍ରମର ଫଳ ସ୍ବରୂପ ଧନ ପ୍ରାପ୍ତିର ସୂଚନା ମିଳୁଛି। ସୁବର୍ଣ୍ଣ, ମଣି, ମୁକ୍ତାଦି ବ୍ୟବସାୟରୁ ଧନ ପ୍ରାପ୍ତ ହେବେ। ହସ୍ତୀ, ଅଶ୍ବ, ରତ୍ନାଦି ପ୍ରାପ୍ତିର ସୂଚନା ମିଳୁଛି। ଯୋଗଜନ୍ମା ହେବେ।
ତୁଳା: ଐକାନ୍ତିକ ଇଚ୍ଛାଶକ୍ତିସମ୍ପନ୍ନ ହେବେ। ଚିତ୍ର ବିଦ୍ୟା ପାରଦର୍ଶୀ ହେବାର ସୌଭାଗ୍ୟ ଉଦୟ ହୋଇଛି। ଅତିମାତ୍ରାରେ ପୁଣ୍ୟ କର୍ମଶୀଳ ହେବେ। ସମ୍ପତ୍ତିବାନ୍ ହୋଇପାରନ୍ତି। ନୃପତୁଲ୍ୟ ସୁଶାସନକର୍ତ୍ତା ହୋଇପାରନ୍ତି।
ବିଛା: ଉତ୍ତମ କର୍ମରେ ଜଡ଼ିତ ହୋଇଥିବାବେଳେ ନିତ୍ୟକର୍ମକୁ ନିଜେ ଘୃଣା କରିବା ସହିତ ଅନୁଗତମାନଙ୍କୁ ନିବୃତ୍ତ ରହିବାକୁ ପରାମର୍ଶ ଦେବେ। ଚୋରି ଭଳି କୁକର୍ମକାରୀଙ୍କୁ ବାରମ୍ବାର ସତର୍କ କରିପାରନ୍ତି।
ଧନୁ: ସରକାରୀସ୍ତରରୁ ଧନ ପ୍ରାପ୍ତିର ସୂଚନା ମିଳୁଛି। ସେବା ପରାୟଣ ମନୋଭାବର ହୋଇପାରନ୍ତି। ମହାନ୍ ପୌରୁଷର ଅଧିକାରୀ ହେବେ। ପୁଷ୍ପାଦି ନିର୍ମିତ ଆଭୂଷଣରେ ସମ୍ମାନିତ ହୋଇପାରନ୍ତି। ସୁସ୍ଥ ରହିବେ।
ମକର: କର୍ମପ୍ରଧାନ ହୋଇପାରନ୍ତି। ସ୍ବକର୍ମ ଉପରେ ଅତୁଟ ବିଶ୍ବାସ ରଖି ଆଗୁସାର ହେବେ। ନିର୍ଭିକଭାବେ ଦାୟିତ୍ବବହନ କରୁଥିବା କାର୍ଯ୍ୟର ସୁସମ୍ପାଦିତ କରିପାରନ୍ତି। ଦୁଷ୍ଟମାନଙ୍କୁ ଦୂରୁଜୁହାର କରି ବିଦା କରିବେ।
କୁମ୍ଭ:ଆଧ୍ୟାତ୍ମମାର୍ଗୀ ହେବେ। ପରିବେଶର ସୁରକ୍ଷା ପାଇଁ ଚାରା ରୋପଣ ଓ ତା’ର ରକ୍ଷଣାବେକ୍ଷଣ ଉପରେ ଅଧିକ ଧ୍ୟାନ ଦେବେ। କୃଷି କର୍ମକାରୀମାନଙ୍କୁ ଉତ୍ସାହିତ କରିବେ ଓ କୃଷିରୁ ଲାଭବାନ୍ ହେବେ।
ମୀନ: ପରିସ୍ଥିତିରେ ପଡ଼ି ନୈତିକ ମୂଲ୍ୟବୋଧର ଅଧପତନ ଘଟାଇ ପାରନ୍ତି। ନିକୃଷ୍ଟ ସଙ୍ଗ ପରିତ୍ୟାଗ କରି ସୁଖୀ ହେବେ। ମାନସିକ ସଂଘାତ ଅନୁଭବ କରିପାରନ୍ତି। ସାରାଦିନ ସତର୍କରେ ଚଳିବାକୁ ପଡ଼ିବ।
ଏହି ରାଶିର ଲୋକ ଆଜି ନୂତନ କାର୍ଯ୍ୟ ଆରମ୍ଭ କରିବେ: ମଙ୍ଗଳବାର ରାଶିଫଳ
Popular Categories
Previous article
Next article