ଟିଟିଲାଗଡ଼ : ବଲାଙ୍ଗୀର ଜିଲା ଟିଟିଲାଗଡ ଥାନା ଅନ୍ତର୍ଗତ ଲୁଥୁରବନ୍ଧରେ ଗତ ରାତ୍ରିରେ ଫ୍ଲାଇଙ୍ଗ ସ୍କ୍ୱାର୍ଡ ଓ ପୁଲିସ୍ ପକ୍ଷରୁ ଚଢଉ କରାଯାଇ ବିପୁଳ ପରିମାଣର ମଦ ଜବତ କରାଯାଇଥିବା ଜଣାପଡିଛି। ଚଢଉ ସମୟରେ ଗ୍ରାମର ଶାନ୍ତନୁ ସାହୁଙ୍କ ଠାରୁ ୮ଟି ବିୟର କେନ, ୬୬ଟି ବିୟର ବୋତଲ ତଥା ତିନିଟି ହ୍ୱିସ୍କି ବୋତଲ ସହ ବିପୁଳ ପରିମାଣରେ ଦେଶି ମଦ ପାଉଚ ଜବତ କରାଯାଇଥିବା ଜଣାପଡିଛି। ଅପରପକ୍ଷରେ ଫ୍ଲାଇଙ୍ଗ ସ୍କ୍ୱାର୍ଡର ଚଢଉ ନେଇ ବେଆଇନ ମଦ ବେପାରିଙ୍କ ମଧ୍ୟରେ କୋକୁଆ ଭୟ ସୃଷ୍ଟି ହୋଇଥିବା ଆଲୋଚନା ହୋଇଛି। ନିର୍ବାଚନ ଅବ୍ୟବହିତ ପୁର୍ବରୁ ନିର୍ବାଚନ ଅଧିକାରୀଙ୍କ ଦ୍ୱାରା ନିୟୋଜିତ ଫ୍ଲାଇଙ୍ଗ ସ୍କ୍ୱାର୍ଡ ଏବଂ ପୁଲିସର ମିଳିତ ଚଢଉ ଜାରି ରହିଛି।
Comments are closed.