ଗାଁ ମଝିରେ ହାଣିଲେ ଦୁର୍ବୃତ୍ତ: ବାପା ମୃତ, ପୁଅ ଗୁରୁତର

ଖୋର୍ଦ୍ଧା: ଗାଁ ମଝିରେ ଗୋଡ଼ାଇ ଗୋଡ଼ାଇ ହାଣିଲେ ଦୁର୍ବୃତ୍ତ । ବୋଲଗଡ଼ ଥାନା ଝାନ୍‌ସିପାଟଣା ଗାଁରେ ହତ୍ୟାକାଣ୍ଡ ଘଟିଛି । ଭୁଜାଲି ମାଡ଼ରେ ବାପାଙ୍କ ମୃତ୍ୟୁ ହେବା ସହ ପୁଅ ଗୁରୁତର ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି । ଉଭୟ ରାସ୍ତାରେ ଯାଉଥିବା ସମୟରେ ଅଚାନକ ବାଇକ୍‌ରେ ଆସି ଭୁଜାଲିରେ ଆକ୍ରମଣ କରି ୩ ଦୁର୍ବୃତ୍ତ ଚମ୍ପଟ୍‌ ମାରିଛନ୍ତି । ପୂର୍ବ ଶତ୍ରୁତାକୁ କେନ୍ଦ୍ର କରି ଏହି ହତ୍ୟାକାଣ୍ଡ ହୋଇଥିବା ସନ୍ଦେହ କରାଯାଉଛି । ସୁପାରି କିଲିଂ ସନ୍ଦେହରେ ପୁଲିସ ଛାନଭିନ୍ କରୁଛି ।