ନୂଆଦିଲ୍ଲୀ – ସାରା ବିଶ୍ୱରେ ଏବେ ଇଲେକ୍ଟ୍ରିକ କାରର ଚାହିଦା ବୃଦ୍ଧି ପାଇଛି । ଅନେକ ଅଟୋମୋବାଇଲ୍ କମ୍ପାନୀ ନିଜର ଇଲେକ୍ଟ୍ରିକ୍ କାର୍ ଲଞ୍ଚ୍ କରିଛନ୍ତି । ଭାରତରେ ମଧ୍ୟ ଇଲେକ୍ଟ୍ରିକ୍ କାର୍ର ଚାହିଦା ବୃଦ୍ଧି ପାଇଛି । ଏମ୍ଜି କମେଟ୍ ଇଲେକ୍ଟ୍ରିକ୍ କାର୍ ଲଞ୍ଚ୍ କରିଥିବା ବେଳେ ଟାଟା ଟିୟାଗୋ ଏବଂ ନେକ୍ସନ ଲଞ୍ଚ୍ କରିଛି । ଏବେ ଆଉ ଏକ ଛୋଟ ଇଲେକ୍ଟ୍ରିକ୍ କାର୍ ଭାରତର ବଜାରରେ ପ୍ରବେଶ କରିବା ପାଇଁ ଯାଉଛି । ଫ୍ରାନ୍ସର ଅଟୋମୋବାଇଲ୍ କମ୍ପାନୀ ଲିଗର୍ ଭାରତରେ ନୂଆ ଇଲେକ୍ଟ୍ରିକ୍ କାର୍ ଲଞ୍ଚ୍ କରିବ ।
ୟୁରୋପୀୟ ବଜାରରରେ ଏହି ଇଲେକ୍ଟ୍ରିକ୍ କର ବେଶ ଲୋକପ୍ରିୟତା ହାସଲ କରିଛି । ଏହା କାରର ନାମ ମାଇଲି । ଭାରତୀୟ ରାସ୍ତାରେ ଏହାର ପରୀକ୍ଷଣ କରାଯାଉଛି । ଖୁବ ଶୀଘ୍ର ଭାରତରେ ଏହାକୁ ଲଞ୍ଚ୍ କରାଯିବ ବୋଲି ସୂଚନା ମିଳିଛି । ଏହାର ୪ଟି ଭାରିଆଣ୍ଟ୍ ମିଳିବ । ମୋଟ୍ ଲମ୍ବା ୨୯୬୦ ମିମି ଥିବା ବେଳେ ଏହା୪.୧୪ କିଲୋଓ୍ୱାଟ ୮.୨୯ କିଲୋଓ୍ୱାଟ,୧୨.୪୨ କିଲୋଓ୍ୱାଟ ବ୍ୟାଟେରୀ ପ୍ୟାକ ସହ ମିଳିବ ।
ଯଥାକ୍ରମେ ଏହା ୬୩,୧୨୩ ଏବଂ ୧୯୨ କିଲୋମିଟର ଯାତ୍ରା କରିପାରିବ । ଏଥିରେ ଏଲ୍ଇଡି ଡିସ୍ପ୍ଲେ ସହ ଏଣ୍ଟରଟେନମେଣ୍ଟ, ଲେନ୍ କଣ୍ଟ୍ରୋଲ , ଏୟାର ବ୍ୟାଗ ଅନ୍ୟ ଅତ୍ୟାଧୁନିକ ବ୍ୟବସ୍ଥା ରହିଛି ।
୫ ଲକ୍ଷଟଙ୍କାରୁ କମ୍ରେ ଏହାକୁ ଲଞ୍ଚ୍ କରାଯାଇପାରେ ।
