କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡକ୍ଟର ହର୍ଷବର୍ଦ୍ଧନ କହିଛନ୍ତି, ଟୀକାକରଣ ଅଭିଯାନ ବୁଥ୍ ସ୍ତରରେ ନିର୍ବାଚନ ପ୍ରକ୍ରିୟା ଆଧାରରେ ଅନୁଷ୍ଠିତ ହେବ। ଆଜି ସକାଳେ ଟ୍ୱିଟ୍ କରି ସେ କହିଛନ୍ତି, ଏଥିପାଇଁ କୁଶଳୀ କର୍ମଚାରୀଙ୍କ ସଂଖ୍ୟା ବୃଦ୍ଧି କରିବା ଲାଗି ବ୍ୟାପକ ସ୍ତରରେ କାର୍ଯ୍ୟ ଚାଲୁରହିଛି। ସେ କହିଛନ୍ତି, ଦେଶର ୭୧୯ ଜିଲ୍ଲାରେ ୫୭ ହଜାରରୁ ଅଧିକ ଲୋକଙ୍କୁ ପ୍ରଶିକ୍ଷଣ ପ୍ରଦାନ କରାଯାଇଛି ଏବଂ ଟୀକା ଦେବାପାଇଁ ୯୬ ହଜାରରୁ ଅଧିକ ଲୋକଙ୍କୁ ତାଲିମ୍ ଦିଆଯାଇଛି। ଡକ୍ଟର ହର୍ଷବର୍ଦ୍ଧନ କହିଛନ୍ତି, ନିର୍ଦ୍ଧାରିତ ଟୀକାକରଣ କେନ୍ଦ୍ରରେ ଭିନ୍ନ ଭିନ୍ନ ପ୍ରତୀକ୍ଷା କେନ୍ଦ୍ର, ଟୀକା ଦେବା ଏବଂ ନିରୀକ୍ଷଣ କକ୍ଷ ପ୍ରତିଷ୍ଠା କରାଯାଉଛି। ସେ କହିଛନ୍ତି, ଟୀକା ନେଉଥିବା ୧୦୦ ଜଣ ହିତାଧିକାରୀଙ୍କ ପାଇଁ ୫ ଜଣିଆ ଦଳ ପ୍ରସ୍ତୁତ କରାଯାଇଛି। ଅଧିକ ହିତାଧିକାରୀଙ୍କ ପାଇଁ ଅତିରିକ୍ତ କର୍ମଚାରୀଙ୍କୁ ନିୟୋଜିତ କରାଯିବ। ସେ କହିଛନ୍ତି, ଟୀକକରଣ ପରେ କାହା ଉପରେ ପ୍ରତିକୂଳ ପ୍ରଭାବ ପଡ଼ିବା ସ୍ଥିତିରେ ଜରୁରୀକାଳୀନ କିଟ୍ ମଧ୍ୟ ଦିଆଯିବ।
Vaccination drive has been based on election process planned down to the booth level.
A humungous exercise to augment skilled personnel is underway.
?57,000+ participants across 719 districts have completed training.
?96,000 vaccinators have been trained so far. pic.twitter.com/Xn4HLE2loj
— Dr Harsh Vardhan (@drharshvardhan) January 3, 2021
ହିତାଧିକାରୀଙ୍କ ପଞ୍ଜୀକରଣ ଏବଂ ସେମାନଙ୍କ ଯାଞ୍ଚ୍ ପାଇଁ ପୋର୍ଟାଲ୍ର ଉପଯୋଗ କରାଯିବ। ଏହି ପୋର୍ଟାଲ୍ ମାଧ୍ୟମରେ ଟୀକାକରଣ କାର୍ଯ୍ୟକ୍ରମ ବିଷୟରେ ଏସ୍.ଏମ୍.ଏସ୍. ଏବଂ ଟୀକା ସମ୍ବନ୍ଧୀୟ ସୂଚନା ପ୍ରଦାନ କରାଯିବ। ସେହିପରି ଟୀକାକରଣ ପରେ ଏହାର ପ୍ରତିକୂଳ ପ୍ରଭାବ ଏବଂ ଟୀକାକରଣର ଇ-ପ୍ରମାଣପତ୍ର ଦିଆଯିବାର ସୂଚନା ମଧ୍ୟ ଏହି ପୋର୍ଟାଲ୍ରେ ଉପଲବ୍ଧ ହେବ।
