କୋରାପୁଟ: କୋରାପୁଟ ନନ୍ଦପୁର ଥାନାରେ ଏଭଳି ଅଭାବନୀୟ ଘଟଣା ଘଟିଛି। କନଷ୍ଟେବଳଙ୍କୁ ମାଡ ମାରି ଦୁଇ ଅଭିଯୁକ୍ତ ଥାନାରୁ ଫେରାର ହୋଇଯାଇଛନ୍ତି। ନନ୍ଦପୁର ପୁଲିସ୍ ଦୁଇ ଅଭିଯୁକ୍ତଙ୍କ ମଧ୍ୟରୁ ଜଣଙ୍କୁ ଗିରଫ କରିଛି। ବିଲାପୁଟ ଗାଁ ଶ୍ଵଶୁର ଘରୁ ପୁଲିସ୍ ଅଭିଯୁକ୍ତକୁ ଗିରଫ କରିଥିବା ସୂଚନା ମିଳିଛି। ଅନ୍ୟ ଜଣେ ଅଭିଯୁକ୍ତ ଏବେବି ଫେରାର ରହିଛି। ସୂଚନା ଅନୁଯାୟୀ ନନ୍ଦପୁର ଦଳିତ ସାହିର ଉମେଶ ଗୁଣ୍ଠା କିଛି ଦିନ ତଳେ ଖିଳୁଆ ଗାଁର ଜଣେ ନାବାଳିକାଙ୍କୁ ଅପହରଣ କରିଥିଲା । ଏ ନେଇ ନାବାଳିକାଙ୍କ ବାପା ନନ୍ଦପୁର ଥାନାରେ ଏତଲା ଦେଇଥିଲେ। ଅଭିଯୋଗ କୁ ଆଧାର କରି ପୁଲିସ୍ ଘଟଣାରେ ସମ୍ପୃକ୍ତ ଥିବା ଦୁଇ ଅଭିଯୁକ୍ତ ଉମେଶ ଏବଂ ଏସ୍.କେ ସାଇନ୍ ଙ୍କୁ ଆଣି ପଚରାଉଚରା କରୁଥିଲା। ମାତ୍ର କୌଣସିମତେ ଉଭୟ ଥାନାରୁ ଫେରାର ହୋଇଯାଇଥିଲେ। ପୁଲିସ୍ ଆଜି ଜଣେ ଅଭିଯୁକ୍ତକୁ ଗିରଫ କରିଛି।
Comments are closed.