ସୁଗମ, ସଠିକ୍ ଏବଂ ଦାୟିତ୍ୱପୂର୍ଣ୍ଣ ମତଦାନ ସହ ପ୍ରତ୍ୟେକ ଭୋଟରଙ୍କୁ ସଶକ୍ତ କରିବାକୁ ଲକ୍ଷ୍ୟ ରଖିଛି ନିର୍ବାଚନ ଆୟୋଗ

ଭୁବନେଶ୍ୱର : ମତଦାନ ପ୍ରକ୍ରିୟାକୁ ଅଧିକ ସୁଗମ ଏବଂ ସୁବ୍ୟବସ୍ଥିତ କରିବା ପାଇଁ ଭାରତ ନିର୍ବାଚନ ଆୟୋଗ ପକ୍ଷରୁ ଗୁରୁବାର ଘୋଷଣା କରିଛନ୍ତି। ଗୋଟିଏ ମତଦାନ କେନ୍ଦ୍ରରେ ସର୍ବାଧିକ ଭୋଟରଙ୍କ ସଂଖ୍ୟାକୁ ୧୫୦୦ ରୁ ୧୨୦୦କୁ ଯାଏ ହ୍ରାସ କରାଯିବ। ଏହି ପଦକ୍ଷେପ ମତଦାନ କେନ୍ଦ୍ରରେ ଭିଡ଼ ଏବଂ ମତଦାନ ପାଇଁ ଅପେକ୍ଷା ସମୟକୁ ଉଲ୍ଲେଖନୀୟ ଭାବରେ ହ୍ରାସ କରିବ ବୋଲି ମୁଖ୍ୟ ନିର୍ବାଚନ ଆୟୁକ୍ତ ଗ୍ୟାନେଶ କୁମାର ପ୍ରକାଶ କରିଛନ୍ତି।

ମୁଖ୍ୟ ନିର୍ବାଚନ ଆୟୁକ୍ତ ଗ୍ୟାନେଶ କୁମାର କହିଛନ୍ତି ଯେ ସହରାଞ୍ଚଳ ଜନବସତିର ବୃଦ୍ଧିକୁ ଚିହ୍ନଟ କରି, ବହୁତଳ ବିଶିଷ୍ଟ ଆବାସିକ ସମାଜ ଏବଂ କଲୋନୀ ଗୁଡ଼ିକରେ ଅତିରିକ୍ତ ମତଦାନ କେନ୍ଦ୍ର ଗୁଡ଼ିକର ସ୍ଥାପନା ପାଇଁ ଏକ ଦୃଷ୍ଟିକୋଣ ରଖାଯାଇଛି, ଯାହା ଦ୍ୱାରା ସହରାଞ୍ଚଳର ସ୍ଥାନୀୟ ଭୋଟର ମାନଙ୍କ ପାଇଁ ମତଦାନକୁ ଅଧିକ ସୁବିଧାଜନକ ଏବଂ ସୁଗମ କରାଯାଇପାରିବ।

ଏହା ଛଡ଼ା, ଭୋଟର ସୂଚନା ସ୍ଲିପ୍ଡ଼ିକୁ ଅଧିକ ବ୍ୟବହାରକାରୀ-ଅନୁକୂଳ କରିବା ପାଇଁ ପୁନଃନିର୍ମାଣ କରାଯାଉଛି, ମତଦାନ ବିବରଣୀର ସହଜ ଚିହ୍ନଟ ପାଇଁ କ୍ରମ ଏବଂ ଅଂଶ ଅଙ୍କ ଗୁଡ଼ିକୁ ଅଧିକ ପ୍ରମୁଖ ଭାବରେ ପ୍ରଦର୍ଶିତ କରାଯିବ।

ଭୋଟର ତାଲିକାର ସଠିକତା ବୃଦ୍ଧି କରିବା ପାଇଁ ମଧ୍ୟ ନିର୍ବାଚନ ଆୟୋଗ କିଛି ପଦକ୍ଷେପ ନେଉଛନ୍ତି, ଯେପରି ଏବେ ଆୟୋଗ ସିଧାସଳଖ ଭାରତର ରେଜିଷ୍ଟ୍ରାର ଜେନେରାଲ (ଜଏଓ) ଠାରୁ ମୃତ୍ୟୁ ପଞ୍ଜୀକରଣ ତଥ୍ୟ ପ୍ରାପ୍ତ କରିପାରିବେ ଏବଂ ଯାଞ୍ଚ ପରେ ଏହି ତଥ୍ୟକୁ ବ୍ୟବହାର କରି ମୃତ ବ୍ୟକ୍ତିଙ୍କ ନାମ ତାଲିକାରୁ ବାଦ କରିପାରିବେ।ଏହା ଦ୍ବାରା ଅଧିକ ଦକ୍ଷତାର ସହ ଭୋଟର ତାଲିକାର ସଠିକତାକୁ ସୁନିଶ୍ଚିତ କରାଯାଇପାରିବ।

ଏହାବ୍ୟତିତ, ନିର୍ବାଚନ ଆୟୋଗ ଦେଶବ୍ୟାପୀ ରାଜନୈତିକ ଦଳଗୁଡ଼ିକୁ ଜଡ଼ିତ କରିବା ପାଇଁ ଏକ ବ୍ୟାପକ ପ୍ରସାର କାର୍ଯ୍ୟକ୍ରମ ମଧ୍ୟ ପରିଚାଳନା କରିଛନ୍ତି ଏବଂ ଏପର୍ଯ୍ୟନ୍ତ ମୁଖ୍ୟ ନିର୍ବାଚନ ଅଧିକାରୀ(ଉଋଙଗ୍ଦ)ମାନଙ୍କ ଦ୍ୱାରା ୪୦ଟି , ଜିଲ୍ଲା ନିର୍ବାଚନ ଅଧିକାରୀ (ଊଋଙଗ୍ଦ)ମାନଙ୍କ ଦ୍ୱାରା ୮୦୦ଟି, ଏବଂ ନିର୍ବାଚନ ପଞ୍ଜୀକରଣ ଅଧିକାରୀ (ଋଜଙଗ୍ଦ)ମାନଙ୍କ ଦ୍ୱାରା ୩,୮୭୯ , ମୋଟ ୪,୭୧୯ଟି ବୈଠକ ଅନୁଷ୍ଠିତ କରାଯାଇସାରିଛି। ଏହି ବୈଠକରେ ରାଜନୈତିକ ଦଳ ମାନଙ୍କର ୨୮,୦୦୦ ରୁ ଅଧିକ ପ୍ରତିନିଧି ମଧ୍ୟ ଅଂଶଗ୍ରହଣ କରିଥିଲେ।

ଏହା ସହିତ, ଆୟୋଗ ଅନେକ ଜାତୀୟ ଏବଂ ରାଜ୍ୟସ୍ତରୀୟ ରାଜନୈତିକ ଦଳ ଯେପରି ଆମ ଆଦମୀ ପାର୍ଟି (ଇଇଚ), ଭାଜପା, ବହୁଜନ ସମାଜ ପାର୍ଟି (ଈଝଚ), କମ୍ୟୁନିଷ୍ଟ ଦଳ ଥଉଚଓ(ଗ)ଧ ଏବଂ ନ୍ୟାସନାଲ ପିପୁଲ୍ସ ପାର୍ଟି (ଘଚଚ) ଅନ୍ତର୍ଭୁକ୍ତ ମୁଖ୍ୟ ମାନଙ୍କ ସହ ବୈଠକ ମଧ୍ୟ କରିଥିଲେ।
ଭାରତ ନିର୍ବାଚନ ଆୟୋଗ ଲକ୍ଷ୍ୟଭେଦ ତାଲିମ ଏବଂ ଏହି ପରି ମହତ୍ତ୍ୱପୂର୍ଣ୍ଣ ପଦକ୍ଷେପ ମାଧ୍ୟମରେ ନିର୍ବାଚନ ପ୍ରକ୍ରିୟାରେ ସାମିଲ ସମସ୍ତ କର୍ମୀଙ୍କୁ ମଜବୁତ କରିବା ପାଇଁ ବିଶେଷ ଧ୍ୟାନମଧ୍ୟ ଦେଉଛନ୍ତି ବୋଲି ମୁଖ୍ୟ ନିର୍ବାଚନ ଆୟୁକ୍ତ ଗ୍ୟାନେଶ କୁମାର ପ୍ରକାଶ କରିଛନ୍ତି।