ଠାକୁରମୁଣ୍ଡା: ମୟୁରଭଞ୍ଜ ଜିଲ୍ଲା ଠାକୁରମୁଣ୍ଡା ବ୍ଲକରେ ଥିବା ଆଦିବାସୀ ଓ ହରିଜନ ବିଭାଗ ଦ୍ୱାରା ପରିଚାଳିତ ପତ୍ରପୋଡ଼ା ଆଶ୍ରମ ବିଦ୍ୟାଳୟରେ ୨୮ ଜଣ ଛାତ୍ରଛାତ୍ରୀ ଝାଡ଼ାବାନ୍ତିରେ ଆକ୍ରାନ୍ତ ହୋଇଛନ୍ତି। ଆକ୍ରାନ୍ତଙ୍କ ମଧ୍ୟରୁ ୨ ଦିନ ମଧ୍ୟରେ ୮ ଜଣ ଆକ୍ରାନ୍ତଙ୍କୁ ଠାକୁରମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରାଯାଇଥିବାବେଳେ ସେଥିମଧ୍ୟରୁ ୨ ଜଣଙ୍କୁ ଆନନ୍ଦପୁର ଉପଖଣ୍ଡ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। ଅନ୍ୟ ୨୩ ଜଣ ଆକ୍ରାନ୍ତ ଛାତ୍ରଛାତ୍ରୀ ବିଦ୍ୟାଳୟ ହଷ୍ଟେଲରେ ଚିକିତ୍ସିତ ହେଉଛନ୍ତି। ଆଶ୍ରମ ବିଦ୍ୟାଳୟରେ ମୋଟ ୩୭୨ ଜଣ ଛାତ୍ରଛାତ୍ରୀ ରହିଛନ୍ତି। ବୁଧବାର ଆଶ୍ରମ ବିଦ୍ୟାଳୟରେ ମେଡିକାଲ ଟିମ୍ ପହଞ୍ଚିଛି। ଖାଦ୍ୟ ଓ ପାନୀୟରୁ ଝାଡ଼ାବାନ୍ତିରେ ଆକ୍ରାନ୍ତ ହୋଇଥାଇ ପାରନ୍ତି ବୋଲି ସ୍ୱାସ୍ଥ୍ୟକେନ୍ଦ୍ରର ଭାରପ୍ରାପ୍ତ ଅଧିକାରୀ ଚିତ୍ତରଞ୍ଜନ ନାୟକ କହିଛନ୍ତି। ବିଦ୍ୟାଳୟରେ ଠାକୁରମୁଣ୍ଡା ବିଡିଓ ସ୍ବପ୍ନେଶ୍ବର ବେହେରା, ଡିଡବ୍ଲ୍ୟୁ ବାରିପଦା ଏବଂ ମେଡିକାଲ ଟିମ୍ ଆଶ୍ରମ ସ୍କୁଲରେ ଥିବା ସୂଚନା ମିଳିଛି।
Popular Categories
Previous article
Next article