ହାଇଦରାବାଦ : ତେଲଙ୍ଗାନାରୁ ବିଗତ ୪ ଦିନ ମଧ୍ୟରେ ୩୭ କୋଟି ଟଙ୍କା ମୂଲ୍ୟର ନଗଦ ଟଙ୍କା, ସୁନା ଓ ମାଦକ ଦ୍ରବ୍ୟ ଜବତ ହୋଇଥିବା ବିଷୟ ମୁଖ୍ୟ ନିର୍ବାଚନ ଅଫିସର ଜଣାଇଛନ୍ତି । ସେଗୁଡ଼ିକ ମଧ୍ୟରେ ୨୦ କୋଟି ୪୩ ଲକ୍ଷ ନଗଦ ଟଙ୍କା, ୧୪ କୋଟି ୬୫ ଲକ୍ଷ ଟଙ୍କାର ସୁନା, ରୁପା ଓ ହୀରା; ୮୬ ଲକ୍ଷ ୯୨ ହଜାର ଟଙ୍କାର ମାଦକ ଦ୍ରବ୍ୟ ଓ ଅଣାନବେ ଲକ୍ଷ ଟଙ୍କାର ଗଞ୍ଜେଇ ରହିଛି । ଏପର୍ଯ୍ୟନ୍ତ ୧ ହଜାର ୧୯୬ଟି ମାମଲା ରୁଜୁ ହୋଇଛି । ୧୦୦ଟି କମ୍ପାନୀ କେନ୍ଦ୍ରୀୟ ସଶସ୍ତ୍ର ପୁଲିସ୍ ବାହିନୀ ଯବାନଙ୍କୁ ତେଲଙ୍ଗାନା ପଠାଯାଇଛି ।
ତେଲଙ୍ଗାନା ବିଧାନସଭା ନିର୍ବାଚନ ପାଖେଇ ଆସୁଥିବାରୁ ବିଭିନ୍ନ ସ୍ଥାନରେ ଚଢଉ ଅଭିଯାନକୁ ଜୋରଦାର କରାଯାଇଛି । ଆସନ୍ତା ୩୦ ତାରିଖରେ ତେଲଙ୍ଗାନାରେ ଗୋଟିଏ ପର୍ଯ୍ୟାୟରେ ମତଦାନ ଅନୁଷ୍ଠିତ ହେବ।
