ଢେଙ୍କାନାଳ: ଢେଙ୍କାନାଳସ୍ଥିତ ଟାଟା ଷ୍ଟିଲ୍ ମେରାମଣ୍ଡଳୀ ୱାର୍କସର ବିଏଫପିପି-୨ ପାୱାର ପ୍ଲାଣ୍ଟରେ ବାଷ୍ପ ନିର୍ଗମନଜନିତ ଦୁର୍ଘଟଣା ଘଟଣାରେ ସେଫଟି ଓ ସିକୁରିଟି ବିଭାଗ ପକ୍ଷରୁ ତଦନ୍ତ ଆରମ୍ଭ ହୋଇଛି । ଲେବର ପ୍ରୋଗ୍ରେସିଭ ଫେଡେରେସନର ୪ ଜଣିଆ ସଦସ୍ୟ ଆଜି କାରଖାନାକୁ ଆସି ଘଟଣା ସ୍ଥଳ ପରିଦର୍ଶନ କରିଛନ୍ତି । ଆଜି ବି ଘଟଣା ସ୍ଥଳ ଯାଞ୍ଚ କରିବେ ଫ୍ୟାକ୍ଟ୍ରି ଆଣ୍ଡ ବୟଲର ବିଭାଗ । ଲେବର ଅଫିସର ଘଟଣାସ୍ଥଳକୁ ଯାଇ ଶ୍ରମିକଙ୍କ ପରିସ୍ଥିତି ବୁଝିବେ ବୋଲି ଜିଲାପାଳ କହିଛନ୍ତି। ସନ୍ଧ୍ୟା ସୁଦ୍ଧା ଫ୍ୟାକ୍ଟ୍ରି ଆଣ୍ଡ ବ୍ରଇଲର ଉପ ନିର୍ଦେଶକଙ୍କୁ ରିପୋର୍ଟ ପ୍ରଦାନ ପାଇଁ ନିର୍ଦେଶ ଦିଆଯାଇଛି । ବର୍ତ୍ତମାନ ପାଇଁ ଦୁର୍ଘଟଣା ଘଟିଥିବା ସେକ୍ଟର ବନ୍ଦ ରହିବ ବୋଲି ସେ କହିଛନ୍ତି । ଦୁର୍ଘଟଣାରେ ୧୮ ଜଣ ଆହତ ହୋଇଛନ୍ତି ବୋଲି କମ୍ପାନି ପକ୍ଷରୁ ସୂଚନା ଦିଆଯାଇଛି।
Comments are closed.