ଭୁବନେଶ୍ବର : ୫୫ନମ୍ବର ଜାତୀୟ ରାଜପଥର ଦୋହରୀକରଣ କାର୍ଯ୍ୟ ଚାଲିଥିବାରୁ ଏଥିରେ ଗାଡି ଚଳାଚଳ ସମ୍ଭବପର ହେଉନାହିଁ । ଏହି କାର୍ଯ୍ୟ ତୁରନ୍ତ ଶେଷ କରି ଏହାକୁ ବ୍ୟବହାର ଉପଯୋଗୀ କରିବାକୁ ରାଜ୍ୟ ଘରୋଇ ବସ ମାଲିକ ସଂଘ ପକ୍ଷରୁ ରାଜ୍ୟ ସରକାର ଏବଂ ଜାତୀୟ ରାଜପଥ କର୍ତ୍ତୃପକ୍ଷଙ୍କ ସହିତ ଏକାଧିକ ବାର ଆଲୋଚନା କରାଯାଇଥିଲା । ଏଥି ପ୍ରସଙ୍ଗରେ ରାଜ୍ୟ ମୁଖ୍ୟସଚିବ ହସ୍ତକ୍ଷେପ କରି ଗତ ମାସ ୧୧ ତାରିଖରେ ବସ୍ ମାଲିକ ସଂଘକୁ ପ୍ରତିଶ୍ରୁତି ଦେଇଥିଲେ, ଆସନ୍ତାବର୍ଷ ଜୁନ୍ ସୁଦ୍ଧା ଏହାର ନିର୍ମାଣ କାର୍ଯ୍ୟ ଶେଷ ହୋଇଯିବ। ହେଲେ ଏହା ମଧ୍ୟରେ ୪୫ ଦିନ ବିତି ଯାଇଥିଲେ ସୁଦ୍ଧା ନିର୍ମାଣ କାର୍ଯ୍ୟରେ କୌଣସି ଅଗ୍ରଗତି ହୋଇ ପାରି ନ ଥିବା ପରିଲକ୍ଷିତ ହୋଇଛି। ଏହାର ପ୍ରତିବାଦରେ ଉକ୍ତ ମାର୍ଗରେ ଗୁରୁବାର ସକାଳ ୬ଟାରୁ ରାତି ୧୨ଟା ପର୍ଯ୍ୟନ୍ତ ଅନୁଗୋଳ ଏବଂ ତାଳଚେରଠାରୁ ବସ୍ ଚଳାଚଳକୁ ପ୍ରତୀକାତ୍ମକ ଭାବେ ସମ୍ପୂର୍ଣ୍ଣ ବନ୍ଦ ରଖିବାକୁ ରାଜ୍ୟ ବସ୍ ମାଲିକ ସଂଘ ନିଷ୍ପତ୍ତି ନିଆଯାଇଥିବା ସଂଘର ମୁଖପାତ୍ର ଦେବାଶିଷ ନାୟକ ସୂଚନା ଦେଇଛନ୍ତି। ଆସନ୍ତା ୨୪ ତାରିଖରୁ ବସ୍ଗୁଡ଼ିକ କଳା ପତାକା ଲଗାଇ ପ୍ରତିବାଦ କରି ଡିସେମ୍ବର ୩୧ ପର୍ଯ୍ୟନ୍ତ ଚଳାଚଳ କରିବ । ନୂଆବର୍ଷରୁ ଅନିର୍ଦିଷ୍ଟ କାଳ ପର୍ଯ୍ୟନ୍ତ ବସ୍ ଚଳାଚଳ ବନ୍ଦ ରହିବା ଲାଗି ସଂଘ ପକ୍ଷରୁ ଧମକ ଦିଆଯାଇଛି।
Popular Categories
Previous article
Next article