ଡେସ୍କ: କଥାଟା ହୁଏତ ଠିକ ଲାଗୁ ନ ଥିବ। କାରଣ ସମସ୍ତେ ଜାଣନ୍ତି ଯେ ଶିକ୍ଷାଦାନ କରୁଥିବା ଶିକ୍ଷକ ଶିକ୍ଷୟିତ୍ରୀ ଓ ଅଧ୍ୟାପକ ଅଧ୍ୟାପିକା ସମ୍ପୃକ୍ତ ଛାତ୍ରଛାତ୍ରୀଙ୍କ ପରୀକ୍ଷା ଖାତା ମୂଲ୍ୟାୟନ କରିଥାନ୍ତି। କିନ୍ତୁ ଏକଥା କେମିତି ସମ୍ଭବ ଯେ ଜଣେ ଚପରାଶି ସ୍ନାତକୋତ୍ତର ଛାତ୍ରଛାତ୍ରୀଙ୍କ ପରୀକ୍ଷା ଖାତା ମୂଲ୍ୟାୟନ କରୁଛନ୍ତି। ଘଟଣା ଘଟିଛି ମଧ୍ୟପ୍ରଦେଶରେ।
ମଧ୍ୟପ୍ରଦେଶର ନର୍ମଦାପୁତ୍ର ଜିଲ୍ଲା ପିପାରୟା ସ୍ଥିତ ସହିଦ ଭଗତ ସିଂ ଶାସକୀୟ ପିଜି ବିଶ୍ୱବିଦ୍ୟାଳୟରେ ଏପରି ଘଟଣା ଘଟିଥିବା ଜଣାପଡିଛି। ଏହାର ଭିଡିଓ ମଧ୍ୟ ଭାଇରାଲ ହେବାରେ ଲାଗିଛି। ସୂଚନା ଅନୁଯାୟୀ, ସମ୍ପୃକ୍ତ ପିଜି ପଋକ୍ଷତା ମୂଲ୍ୟାୟନ କରିବାକୁ ଥିବା ପ୍ରଫେସରଙ୍କ ସ୍ୱାସ୍ଥ୍ୟବସ୍ଥା ଠିକ ନ ଥିଲା। ତେଣୁ ସେଠାରେ କାର୍ଯ୍ୟ କରୁଥିବା ଚପରାଶି ଜଣଙ୍କ ସେହିସବୁ ପରୀକ୍ଷା ଖାତା ମୂଲ୍ୟାୟନ କରିଦେଇଛନ୍ତି। କେବଳ ସେତିକି ନୁହେଁ, ଚପରାସିଙ୍କୁ ପିଜି ଖାତା ଦେଖିବା ଲାଗି ୫ ହଜାର ଟଙ୍କା ମଧ୍ୟ ଦିଆଯାଇଥିବା ଜଣାପଡିଛି।
ସାରଙ୍କୁ ଜ୍ୱର, ପିଜି ଖାତା ଦେଖିଲେ ଚପରାଶି pic.twitter.com/nxDiGm1Qqt
— Samaja Live (@samajalive) April 9, 2025
ଘଟଣାର ଭିଡିଓ ସାମାଜିକ ଗଣମାଧ୍ୟମରେ ପ୍ରଘଟ ହେବା ପରେ ମଧ୍ୟପ୍ରଦେଶ ଉଚ୍ଚଶିକ୍ଷା ବିଭାଗ ପକ୍ଷରୁ ସମ୍ପୃକ୍ତ ପ୍ରଫେସରଙ୍କୁ ନିଲମ୍ବନ କରାଯାଇଛି। ଘଟଣା ସମ୍ପର୍କରେ ତଦନ୍ତ ଜାରି ରହିଛି।
