ତିଗିରିଆ : ଗତ କିଛିଦିନ ହେଲା ତିଗିରିଆ ବ୍ଲକ ଅନ୍ତର୍ଗତ ଶୁଣ୍ଠିପାଳ ଗ୍ରାମରେ ବାରହା ଉପଦ୍ରବ ଦେଖିବାକୁ ମିଳିଛି । ବନ୍ୟା ଯୋଗୁଁ ଗହୀର ଗୁଡ଼ିକରେ ପାଣି ଭରି ରହିଥିବା ବେଳେ ଖାଦ୍ୟ ସଙ୍କଟର ସମ୍ମୁଖୀନ ହୋଇ ପଳପଳ ବାରହା ଗ୍ରାମ ଜନବସତି ନିକଟ ହେଉଥିବା ଜଣାପଡ଼ିଛି । ଗ୍ରାମବାସୀଙ୍କ ବାଡ଼ିତଳେ ଲାଗିଥିବା ପାଳୁଅ, ସାରୁ, କନ୍ଦମୂଳ ଏବଂ ଢ଼ିପ କିସମରେ ରହିଥିବା ଆଖୁକ୍ଷେତରେ ପଶି ଗଛଗୁଡ଼ିକର ମୂଳତାଡ଼ି ନଷ୍ଟ କରୁଥିବା ଗ୍ରାମବାସୀ ଅଭିଯୋଗ କରିଛନ୍ତି । ଗତବର୍ଷ ଏହି ଗ୍ରାମରେ କ୍ଷେତବାଡ଼ିରେ ଚାଷୀମାନେ କାର୍ଯ୍ୟ କରୁଥିବା ବେଳେ ବାରହା ଆକ୍ରମଣରେ ୪ଜଣ ଗୁରୁତର ଆହତ ହୋଇଥିଲେ। ସେମାନଙ୍କୁ ମଧ୍ୟରୁ ୨ଜଣ କଟକ ବଡ଼ ଡାକ୍ତରଖାନାରେ ଦୀର୍ଘ ୩ମାସର ଚିକିତ୍ସା ପରେ ସୁସ୍ଥ ହୋଇ ଘରକୁ ଫେରିଥିଲେ। ଏବେ ପୁଣି ବାରହା ଉପଦ୍ରବ ଯୋଗୁଁ ଲୋକେ ବିଗତ ଦିନର ଘଟଣାକୁ ମନେ ପକାଇ ଆତଙ୍କିତ ଥିବା ଜଣାପଡ଼ିଛି । ବନବିଭାଗ ପକ୍ଷରୁ ଏନେଇ ତୁରନ୍ତ ଦୃଷ୍ଟି ଦେବାକୁ ସ୍ଥାନୀୟ ଜନସାଧାରଣ ଦାବି କରିଛନ୍ତି।
Popular Categories
Previous article
Next article