ବଡ଼ସାହି : ରବିବାର ମୟୂରଭଞ୍ଜ ଜିଲା ବଡ଼ସାହି ଥାନା ଅଧୀନ ଘୁଷୁରିଆ ଗ୍ରାମର ଜଣେ ଶ୍ରମିକଙ୍କର ଅଂଶୁଘାତ ଜନିତ ମୃତ୍ୟୁ ହୋଇଥିବା ପରିବାର ପକ୍ଷରୁ ଅଭିଯୋଗ ହୋଇଛି। ମୃତକ ଜଣଙ୍କ ହେଲେ ଲେଙ୍ଗା ସିଂଙ୍କ ପୁଅ ଅର୍ଜୁନ(୩୫)। ସେ ଦିନ ବେଳେ ପାଉଁଶିଆ ଗ୍ରାମକୁ ରାଜମିସ୍ତ୍ରୀ କାର୍ଯ୍ୟରେ ଶ୍ରମିକ ଭାବେ କାର୍ଯ୍ୟ କରିବାକୁ ଯାଇ ସନ୍ଧ୍ୟା ବେଳେ ଘରକୁ ଫେରିଥିଲେ। ପାଣି ମାଗି ପିଇବା ପରେ ସେହିଠାରେ ଟଳି ପଡ଼ିଥିଲେ। ପରିବାର ଲୋକେ ସଙ୍ଗେସଂଙ୍ଗେ ତାଙ୍କୁ ବଡ଼ସାହି ଡ଼ାକ୍ତରଖାନାକୁ ଆଣିଥିଲେ ହେଁ ଡ଼ାକ୍ତର ମୃତ ଘୋଷଣା କରିଥିଲେ। ଖବର ପାଇ ପୁଲିସ୍ ଡ଼ାକ୍ତରଖାନାକୁ ଯାଇ ତଦନ୍ତ କରୁଛି। ରବିବାର ସ୍ଥାନୀୟ ଅଞ୍ଚଳରେ ପ୍ରବଳ ଗୁଳୁଗୁଳି ଅନୁଭୂତ ହେଉଥିବା ବେଳେ ଦିନର ତାପମାତ୍ରା ମଧ୍ୟ ସର୍ବାଧିକ ଥିଲା। ପରିବାର ଲୋକେ ଅର୍ଜୁନଙ୍କର ଅଂଶୁଘାତ ଜନିତ ମୃତ୍ୟୁ ହୋଇଥିବା ପୁଲିସ ପାଖରେ ଅଭିଯୋଗ କରିଛନ୍ତି। ବଡ଼ସାହି ଜୋନ କଂଗ୍ରେସ ସଭାପତି ଶଶାଙ୍କ ଶେଖର କର ଘଟଣାର ତଦନ୍ତ ପୂର୍ବକ ମୃତକ ପରିବାରକୁ ସରକାରୀ ସହାୟତା ପ୍ରଦାନ ପାଇଁ ଦାବି କରିଛନ୍ତି।
Popular Categories
Previous article
Next article