ସୁଆଣ୍ଡୋ: ସତ୍ୟବାଦୀ ପ୍ରଶାସନ ପକ୍ଷରୁ ଶୁକ୍ରବାର ସାକ୍ଷୀଗୋପାଳ ବାଳିକା ଉଚ୍ଚ ବିଦ୍ୟାଳୟ ପଛପଟେ ଥିବା ସତ୍ୟବାଦୀ ଓଡ଼ିଆ ବିଶ୍ୱବିଦ୍ୟାଳୟ ଜମି ଜବରଦଖଲ ଉଛେଦ କରାଯାଇଛି । ତହସିଲଦାର ଜୟନ୍ତ କୁମାର ଜୟସିଂହ ନେତୃତ୍ବରେ ଅତିରିକ୍ତ ତହସିଲଦାର ସନ୍ତୋଷ କୁମାର ପାଣିଗ୍ରାହୀ ଓ ସତ୍ୟବାଦୀ ଥାନା ଆଇଆଇସି ବିଜୟକେତନ ବେହେରା ଦେଢ ପ୍ଲାଟୁନ ପୁଲିସ ସାଙ୍ଗରେ ନେଇ ଜବରଦଖଲ ଉଚ୍ଛେଦ କରିଛନ୍ତି। ଉକ୍ତ ଜମି ସତ୍ୟବାଦୀ ସାକ୍ଷୀ ଗୋପୀନାଥ ଦେବ ଠାକୁରଙ୍କର ଥିଲା। ଓଡିଆ ଭାଷା ବିଶ୍ୱବିଦ୍ୟାଳୟ ପାଇଁ ସରକାର ଉକ୍ତ ଜମିକୁ ମନ୍ଦିର ଟ୍ରଷ୍ଟ ବୋର୍ଡଠାରୁ କିଣିଥିଲେ। ଉଚ୍ଛେଦ ପ୍ରକ୍ରିୟା ଆରମ୍ଭ ହେବା ସମୟରେ ସାମାନ୍ୟ ଉତେଜନା ପ୍ରକାଶ ପାଇଥିଲା। ତେବେ ତହସିଲଦାର ବୁଝାସୁଝା କରିବା ପରେ ତାହା ପ୍ରଶମିତ ହୋଇଥିଲା। ଏହି ଜମି ଉପରେ ୩ଟି ସଂଖ୍ୟାଲଘୁ ସଂପ୍ରଦାୟ ବସବାସ କରୁଥିବା ରେକର୍ଡ ରହିଛି। ହେଲେ ଏବେ ଉକ୍ତ ପରିବାରଗୁଡିକ କାଳକ୍ରମେ ପୃଥକ ହୋଇଯାଇଥିବା ଦୃଷ୍ଟିରୁ ତାହା ୭ଟି ପରିବାର ହୋଇଛନ୍ତି। ଉଚ୍ଛେଦ ହୋଇଥିବା ପରିବାରଙ୍କୁ ଅହମଦପୁର ନିକଟରେ ୪ ଡିସିମିଲ ଲେଖାଏଁ ଜମି ଯୋଗାଇ ଦିଆଯିବ ବୋଲି ତହସିଲଦାର ଜୟନ୍ତ କୁମାର ଜୟସିଂହ କହିଥିଲେ ।
Comments are closed.