ସମାଜ ଡିଜିଟାଲ ଡେସ୍କ: ଗଞ୍ଜାମ ଜିଲା ସୋନପୁର ବେଳାଭୂମି ସମୁଦ୍ରରେ ଭାସିଯାଇ ଜଣେ ଛାତ୍ର ନିଖୋଜ ହୋଇଯାଇଛନ୍ତି। ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ସମୁଦ୍ରରେ ଉକ୍ତ ଛାତ୍ରଙ୍କୁ ଖୋଜାଖୋଜି ଜାରି ରଖିଛି।
ସୂଚନା ଅନୁସାରେ, ଚିକିଟି ବ୍ଲକ ଲିଆଖାଇର ୪ ଜଣ ଛାତ୍ର ସୋନପୁର ବେଳାଭୂମିକୁ ବୁଲିବାକୁ ଆସିଥିଲେ। ଦୁଇ ଜଣ ଛାତ୍ର ବାହାରେ ବୁଲାବୁଲି କରୁଥିବା ବେଳେ ଅନ୍ୟ ୨ ଜଣ ସମୁଦ୍ରରେ ଗାଧୋଉଥିଲେ। କିଛି ସମୟରେ ଉଭୟ ଛାତ୍ର ଜୁଆରରେ ଭାସିଯାଇଥିଲେ। ଉଦ୍ଧାରକାରୀମାନେ ଜଣେ ଛାତ୍ରଙ୍କୁ ଉଦ୍ଧାର କରିଛନ୍ତି। ଅନ୍ୟ ଜଣଙ୍କ ପତ୍ତା ମିଳିନାହିଁ।
