ଫୁଲବାଣୀ : କନ୍ଧମାଳ ଜିଲା ଟିକାବାଲି ଜଙ୍ଗଲବିଭାଗ ରେଞ୍ଜ ଅନ୍ତର୍ଗତ ଚକାପାଦ ଅଞ୍ଚଳରେ ଚଢଉ କରି ଏସଟିଏଫ ଟିମ ବାଘଛାଲ ଜବତ କରିଛି । ଏ ସମ୍ପର୍କରେ ଏସଟିଏଫ ଟିମ ଚାରି ଜଣକୁ ଗିରଫ କରିବା ସହ ବନ୍ଧୁକ, ଗୁଳି, ଧନୁଶର ଆଦି ବିଭିନ୍ନ ମାରଣାସ୍ତ୍ର ମଧ୍ୟ ଜବତ କରିଛି। ଗିରଫ ଵ୍ୟକ୍ତିମାନେ ହେଲେ ମୁଖ୍ୟ ଆସାମୀ ସୁକୁମାର କହଁରଙ୍କ ସମେତ ବୀରେନ ମିତ୍ର ନାୟକ, ରଂଜିତ କହଁର, ରବିନାରାୟଣ କହଁର, ବୋଲି ଏସ ଟି ଏଫ ଇନିସପେକ୍ଟର ଜଗନାଥ ପ୍ରସାଦ ସାହୁ ସୂଚନା ଦେଇଛନ୍ତି । ଏହି ଛାଲ କାଲରାପତରିଆ ବାଘର ବୋଲି ଏସଟିଏଫ ଇନିସପେକ୍ଟର ସାହୁ କହିଛନ୍ତି । କନ୍ଧମାଳ ଜିଲାର ଘଞ୍ଚ ଜଙ୍ଗଲର ସୁଯୋଗ ନେଇ କିଛି ଜିଲା ବାହାର ଶିକାରୀ ସ୍ଥାନୀୟ ଲୋକଙ୍କୁ ଧରି ବାଘ ମାରି ଛାଲ କାରବାର କରୁଥିବା ଅଭିଯୋଗ ହେଉଛି।
Comments are closed.