ଭୁବନେଶ୍ୱର : ରାଜ୍ୟ କ୍ୟାବିନେଟ୍ର ଗୁରୁତ୍ୱପୂର୍ଣ୍ଣ ବୈଠକ ସୋମବାର ଅନୁଷ୍ଠିତ ହେବ। କରୋନାର ଦ୍ୱିତୀୟ ଲହର ସମୟରେ ଏହି ବୈଠକ ଅନୁଷ୍ଠିତ ହେବାକୁ ଯାଉଥିବାବେଳେ ଏଥିରେ ୮ରୁ ଊର୍ଦ୍ଧ୍ବ ପ୍ରସ୍ତାବରେ ମୋହର ବାଜିବ ବୋଲି ବିଶ୍ବସ୍ତ ସୂତ୍ରରୁ ଜଣାଯାଇଛି।
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଦିନ ୧୨.୩୦ରେ ଏହି ବୈଠକ ବସିବ। ନବୀନ ନିବାସରୁ ମୁଖ୍ୟମନ୍ତ୍ରୀ ଭିଡିଓ କନଫରେନ୍ସିଂ ଜରିଆରେ କ୍ୟାବିନେଟ୍ ବୈଠକରେ ଅଧ୍ୟକ୍ଷତା କରିବେ। ଅନ୍ୟପକ୍ଷରେ ଲୋକସେବା ଭବନରେ କ୍ୟାବିନେଟ୍ ମନ୍ତ୍ରୀ ପରିଷଦଙ୍କ ସହିତ ମୁଖ୍ୟଶାସନ ସଚିବ, ଉନ୍ନୟନ କମିସନର ଯୋଗଦେବେ। ବୈଠକରେ ସାଧାରଣ ପ୍ରଶାସନ ବିଭାଗ ପକ୍ଷରୁ କେତେକ କର୍ମଚାରୀଙ୍କ ସର୍ଭିସ ନିୟମ ସଂଶୋଧନ ପ୍ରସ୍ତାବ ରହିଥିବାବେଳେ ଉଚ୍ଚଶିକ୍ଷା ବିଭାଗର କେତେକ ଗୁରୁତ୍ବପୂର୍ଣ୍ଣ ପ୍ରସ୍ତାବ ରହିଛି। ଏହାବ୍ୟତୀତ ସ୍ବାସ୍ଥ୍ୟ ଏବଂ ପୂର୍ତ୍ତ ବିଭାଗ ଭଳି ବିଭିନ୍ନ ଗୁରୁତ୍ବପୂର୍ଣ୍ଣ ବିଭାଗର ପ୍ରସ୍ତାବକୁ ଅନୁମୋଦନ ମିଳିବ ବୋଲି ଜଣାଯାଇଛି।
ଆଜି ରାଜ୍ୟ କ୍ୟାବିନେଟ୍
Popular Categories
Previous article
Next article