ନୂଆଦିଲ୍ଲୀ: ଷ୍ଟାଫ ସିଲେକସନ କମିଶନ(ଏସ୍ଏସ୍ସି) ପରୀକ୍ଷାରେ ପ୍ରଶ୍ନପତ୍ର ପ୍ରଘଟ ମାମଲା ଦେଶର ସର୍ବୋଚ୍ଚ ନ୍ୟାୟାଳୟରେ ପହଞ୍ଚିଛି। ଏବାବଦରେ ସୁପ୍ରିମ କୋର୍ଟରେ ହୋଇଥିବା ଏକ ଜନସ୍ୱାର୍ଥ ମାମଲାର ଶୁଣାଣି ୧୨ ମାର୍ଚ୍ଚରେ ସୁପ୍ରିମ କୋର୍ଟରେ ଆରମ୍ଭ ହେବ। କେନ୍ଦ୍ର ସରକାରଙ୍କ ଡିଓପିଟି ମନ୍ତ୍ରଣାଳୟ ଏହି ମାମଲାର ସୁପ୍ରିମ କୋର୍ଟ ତଦନ୍ତ ନିର୍ଦେଶ ପ୍ରଦାନ ୍କରିଛି। ତେବେ ପ୍ରଶ୍ନପତ୍ର ପ୍ରଘଟ ମାମଲାରେ ନ୍ୟାୟ ପାଇଁ ଆନ୍ଦୋଳନକୁ ଓହ୍ଲାଇଥିବା ଛାତ୍ରଛାତ୍ରୀ ଏବେ ମଧ୍ୟ ଆନ୍ଦୋଳନରେ ଅବ୍ୟାହତ ରହିଛନ୍ତି। ଆନ୍ଦୋଳନରତ ଛାତ୍ରଛାତ୍ରୀଙ୍କୁ କୌଣସି ନେତା କିମ୍ବା ଅଧିକାରୀ ଲିଖିତ ଭାବରେ ମାମଲାର ସିବିଆଇ ଶୁଣାଣି ସମ୍ପର୍କରେ ଅବଗତ କରି ନଥିବାରୁ ସେମାନେ ଆନ୍ଦୋଳନକୁ ଜାରି ରଖିବାକୁ ନିଷ୍ପତ୍ତି ନେଇଛନ୍ତି। ଅପରପକ୍ଷରେ ଜନସ୍ୱାର୍ଥ ରୁଜୁ କରିଥିବା ଆଇନଜୀବୀ ମନୋହରଲାଲ ଶର୍ମା ଉକ୍ତ ମାମଲାର ନିରପେକ୍ଷ ତଦନ୍ତ ପାଇଁ ସ୍ୱତନ୍ତ୍ର ଏସଆଇଟି, କିମ୍ବା ସିବିଆଇ ଅଥବା ସୁପ୍ରିମ କୋର୍ଟର ପ୍ରତ୍ୟକ୍ଷତାରେ ଏକ ଜାଞ୍ଚ ଦଳ ଗଠନ କାରିବାକୁ ଆବେଦନ କରିଥିିଲେ। ଏହା ବ୍ୟତୀତ ଆଗାମୀ ଦିନରେ ଏଭଳି ପ୍ରଶ୍ନପତ୍ର ପ୍ରଘଟ ଯେପରି ନହେଉ ସେ ଦିଗରେ କେନ୍ଦ୍ର ସରକାର ଉଚିତ ପଦକ୍ଷେପ ଗ୍ରହଣ କରନ୍ତୁ ବୋଲି ଆବେଦନକାରୀ ସୁପ୍ରିମ କୋର୍ଟରେ ଗୁହାରି କରିଛନ୍ତି।
Popular Categories
Previous article
Next article