ମୁମ୍ବଇ : ଆଜକୁ ଠିକ୍ ଦୁଇ ମାସ ପରେ ରିଲିଜ୍ ହେବ ରଣବୀର କପୁରଙ୍କ ବହୁ ପ୍ରତିକ୍ଷୀତ ଫିଲ୍ମ ’ସଞ୍ଜୁ’ । ଯାହାକୁ ଦର୍ଶକ ବେଶ ଉତ୍କଣ୍ଠାର ସହିତ ଚାହିଁ ରହିଛନ୍ତି। ନିର୍ଦେଶକ ରାଜ କୁମାର ହିରାନୀ ନିଜର ଏହି ଆଗାମୀ ଫିଲ୍ମ ମଧ୍ୟମରେ ବକ୍ସ ଅଫିସରେ ଧମାକା ସୃଷ୍ଟି କରିବାର ଆଶା ରଖିଛନ୍ତି।
ଅନ୍ୟପକ୍ଷରେ ଗତ ମଙ୍ଗଳବାର ରିଲିଜ ହୋଇଥିବା ଫିଲ୍ମର ଟିଜର୍ ଦର୍ଶକଙ୍କ ମଧ୍ୟରେ ବେଶ ଲୋକପ୍ରିୟତା ହାସଲ କରିଛି। ଏଥିରେ ରଣବୀର କପୁରଙ୍କୁ ଚିହ୍ନିବା କଷ୍ଟକର ହୋଇ ପଡିଛି। ସଂଜୟ ଦତ୍ତଙ୍କ ଚରିତ୍ରରେ ସେ ନିଖୁଣ ଓ ଜୀବନ୍ତ ଅଭିନୟ କରିଛନ୍ତି। ଖୋଦ ସଂଜୟ ଦତ୍ତ ମଧ୍ୟ ଏହାକୁ ଦେଖି ଆଶ୍ଚର୍ଯ୍ୟ ହୋଇଯାଇଛନ୍ତି । ରବିବାର ସୁଦ୍ଧା ୩୧,୨୭,୪୭୯ ଜଣ ଏହି ଟିଜର ଦେଖିଥିବା ଜଣା ପଡିଛି।
ତେବେ ସଂଜୟ ଦତ୍ତ ଟିଜର୍ ଦେଖି ଏତେ ଭାବପ୍ରବଣ ହୋଇ ପଡିଛନ୍ତି ଯେ, ନିର୍ଦେଶକ ରାଜ କୁମାର ହିରାନୀଙ୍କୁ ତାଙ୍କର ଆାମଗୀ ମୁନ୍ନାଭାଇ ସିରିଜରେ ରଣବୀର କପୁରଙ୍କୁ ନ ନେବା ପାଇଁ ଅନୁରୋଧ କରିଛନ୍ତି।